گه‌ڕان

Shadow Shadow
سیاسه‌تی

بەپەلە

بڕیارێکی نوێ لەبارەی ئۆتۆمبێلە بێ سەرەتاکانەوە دەردەکرێت

2021.08.21 - 16:14
App store icon Play store icon Play store icon
بڕیارێکی نوێ لەبارەی ئۆتۆمبێلە بێ سەرەتاکانەوە دەردەکرێت

ناس کورد- 

بڕیارە سبەینێ بە فەرمی بڕیاری نوێ لەبارەی ئۆتۆمبێلە بێسەرەتاکانەوە بدرێت و نوسینگەی قوباد تاڵەبانی دەڵێت، ئەو ئۆتۆمبێلانەی کۆدیان بۆ کراوە ناگیرێن، بەڵام نوسینەگی بافڵ تاڵەبانی دڵنیاییان نەداوە لەوبارەیەوە، هەربۆیە سبەینێ بڕیاری کۆتایی لەوبارەیەوە دەدرێت.

کەناڵی ناس کورد لە تێلیگرام جۆین بکە   

 

 نوێنەری خاوەن ئۆتۆمبێلە بێسەرەتاکان (شەممە 21ی ئابی 2021) بە "ناس کورد"ی ڕاگەیاند، "ئەمڕۆ شەممە چووینە نوسینگەی قوباد تاڵەبانی، جێگری سەرۆکی حکومەت و بەناوی ئەوەوە پێیان وتین کە ئەو بڕیارەی دەرکراوە بۆ دەستبەسەرداگرتنی ئۆتۆمبێل ئەو ئۆتۆمبێلە بێسەرەتایانە ناگرێتەوە کە کۆدیان بۆ کراوە و دڵنیایان کردینەوە لەوبارەیەوە." 

 

بەوتەی  نوێنەری خاوەن ئۆتۆمبێلە بێسەرەتاکان، نوسینگەی قوباد تاڵەبانی وتویانە، "بڕیارەکە بۆ ئۆتۆمبێلی جامڕەش و کەسانی چەک هەڵگر و ئەوانەیە کە کێشەی یاساییان هەیە، بۆیە هەر ئۆتۆمبێلێکی بێسەرەتا ئەگەر کۆدی بۆ کرابێت و ئەو سەرپێچیانەی نەبێت ناگیرێت."  

 

وتیشی، "دواتر ئێمە پەیوەندیمان بە نوسینگەی کاک بافڵ تاڵەبانییەوە کرد، بەڵام ئەوان دڵنیا نەبوون لەوەی کە بڕیارەکە ئەو ئۆتۆمبێلانە دەگرێتەوە یاخود نا و پەیوەندییان بە نوسینگەی قوباد تاڵەبانییەوە کرد." 

 

باسی لەوەشکرد، "بڕیاردرا سبەینێ قسە لەگەڵ بەڕێوەبەرایەتی گشتیی هاتوچۆی سلێمانی بکرێت لەوبارەیەوە، واتە سبەینێ خاوەنی ئەو ئۆتۆمبێلانە دڵنیادەبنەوە لەوەی ئۆتۆمبێلەکانیان دەگیرێت یاخود نا." 

 

ئەوەشی خستەڕوو، "پێموایە بە ئەگەرێکی زۆر ڕێگە دەدرێت ئەو ئۆتۆمبێلانە بێنە سەر شەقام چونکە لە هاتوچۆ تۆمارکراون."

 

زیاتر لە دوو هەفتە لەمەوبەر ناس کورد لە زاری لیوا عەبدولقادر عەزیز، بەڕێوەبەری گشتیی هاتوچۆی هەرێمەوە ئەوەی بڵاوکردەوە کە "بڕیارەکەی قوباد تاڵەبانی ئەو ئۆتۆمبێلە بێسەرەتایانەی کۆدیان بۆ کراوە ناگرێتەوە."