گه‌ڕان

Shadow Shadow
سیاسه‌تی

میدالیای زولفەقار چییە؟

خامنەئی میدالیای زولفەقار دەبەخشێتە قاسم سولەیمانی

2019.03.11 - 12:35
خامنەئی میدالیای زولفەقار دەبەخشێتە قاسم سولەیمانی

 

 

ناس كورد- شۆڕش محەمەد

رابەری شۆڕشی ئیسلامی ئێران مەدالیای (زولفەقار)ی بەخشییە قاسم سولەیمانی فەرماندەی هێزی قودسی سوپای پاسدارانی كۆماری ئیسلامی ئێران، ئەوەش بەرزترین میدالیای فەخری ئەو وڵاتەیە.

 

میدیاكانی ئێران بڵاویان كردەوە، حوجەتولئیسلام عەلی شیرازی نوێنەری وەلی فەقێ لەهێزی قودسی سوپا بەبڵاوكردنەوەی راگەیەندراوێك بەخشینی میدالیای (زولفەقار)ی وەك بەرزترین میدالیای فەخری كۆماری ئیسلامی ئێران لەلایەن عەلی خامنەئی رابەری باڵاوە بە قاسم سولەیمانی فەرماندەی هێزی قودس لەسوپای پاسداران، راگەیاند.

لەپەیامەكەدا ئاماژە بۆ ئەوە کراوە، "وەرگرتنی میدالیای (زولفەقار) وەك بەرزترین میدالیای فەخری كۆماری ئیسلامی ئێران لەلایەن ئایەتوڵڵا خامنەیی رابەری باڵای شۆڕشی ئیسلامی و فەرماندەی گشتی هێزەكان بە بەڕێزتان،  لەگەلی بەڕێزی ئێران، فەرماندەكان و كارگێڕانی هێزی قودسی سوپا و بەرەی بەرخۆدان و تێكرای خۆشەویستانی  قاسم سولەیمانی پیرۆز دەكەم و لەخودای گەورە سەربەرزی زیاترتان بۆ دەخوازم".

 

 

میدالیای زولفەقار چییە؟

میدالیای زولفەقار باڵاترین میدالیای سەربازییە‌و مێژووەكەی بۆ سەردەمی ئیمپراتۆریەتی ئێران دەگەڕێتەوە‌و لەساڵی 1301ەوە دراوەتە ئەو كەسانەی كە لەمەیدانی جەنگدا جوامێرانە جەنگاون‌و سەركەوتنیان بەدەستهێناوە.

دواتر شێوەی بەخشینی ئەو میدالیایە گۆڕانكاری بەسەرداهات‌و بەخشرایە ئەو فەرماندە ئازایانەی كە شەڕیان لەگەڵ دوژمنانی بیانی دەكرد.

ئەوانەی ئەم میدیالیایەیان پێبەخشراوە:

عەمید ئەمانەڵڵا میرزا جهانبانی فەرماندەی هێزەكانی ئازەربایجان لەشەڕی شكریازی

سوڵتان محەمەد خان رەشید نیزام فەرماندەی بهادران تەبریز لەشەڕی شكریازی

فەرماندەی فەزلوڵا زاهدی لەشەڕی شكریازی

حەسەن ئاقاخان ئیسمەعیلی فەرماندەی فەوجی پەهلەوی لەشەڕی شكریازی

فەرماندە مەحمود بایندەر فەرماندەی ئاتەشبار گارد لە شەڕی شكریازی

فەرماندە مورتەزا خان یزدان پەنا فەرماندەی تیپی پیادەی لەشكر

سەرلەشكر ئەحمەد ئاقا ئەمیر ئەحمەدی فەرماندەی لەشكری رۆژئاوا لەشەڕی لوڕستان

سەرلەشكر عەبدوڵا خان ئەمیر تەهماسپی فەرماندەی لەشكری ئازربایجان

لەساڵی 1303‌و لەدوای ئابڵۆقەدانی لیوای كرماشان لەتەنگی زاهید ‌و بەهۆی رزگاركردنی لیواكەی كرماشان میدالیای زولفەقار بەخشرایە هەریەك لە:

سەرتیپ محەمەد شا بختی

سەرهەنگ عەباس برز

سەرلەشكر كەریم بوزەر جمهری

یاوەر ئیبراهیم زرابی

بەخشینی میدالیای (زولفەقار) بە سولەیمانی، لەپاش شۆڕشی كۆماری ئیسلامی ئێران، یەكەمین جارە میدالیای زولفەقار دەبەخشرێتە فەرماندەیەكی سەربازی.