گه‌ڕان

Shadow Shadow
سیاسه‌تی

’’هاریکارى’’

’’پەیوەندى ڕاستەوخۆ’’..هەڵوێستێکى جیاواز لە بەریتانیاوە لەبارەى تاڵیبان

2021.08.18 - 13:59
App store icon Play store icon Play store icon
’’پەیوەندى ڕاستەوخۆ’’..هەڵوێستێکى جیاواز لە بەریتانیاوە لەبارەى تاڵیبان

ناس کورد-

فەرماندەى سوپاى بەریتانیا رایگەیاند، ئەو هێزانەى وڵاتەکەیان کە لە ئەفغانستان ماونەتەوە هاریکارى لەگەڵ تالیبان دەکەن و لەرووى مەبدەئییەوە گەشبینن بەداهاتووى ئەو وڵاتە لەژێر دەسەڵاتى ئەو بزوتنەوەیەدا.

کەناڵی ناس کورد لە تێلیگرام جۆین بکە   

 

جەنەرال نیک کارتەر لە چاوپێکەوتنێکدا لەگەڵ تۆڕى "سکاى نیوز" وتى دۆخى ئەفغانستان دواى کۆنترۆڵکردنى لەلایەن تالیبانەوە ئارامە، هیچ راپۆرتێکیان بەدەستنەگەیشتووە کە ئاماژە بە مامەڵەى خراپى ئەو بزوتنەوەیە بکات.

 

وتیشى "لەسەر زەوى هاریکارى لەگەڵ تالیبان دەکەین بەشێوەى راستەوخۆ، یارمەتیان دەدەین بۆ پاراستنى شەقامەکان و فڕۆکەخانە".

 

لەگەڵ ئەوەشدا فەرماندەى سوپاى بەریتانیا باسى لەوەکرد، کە هەندێ ئەندامى تالیبان هەمیشە سەرچاوەى هەڕەشەن و ئەو بزوتنەوەیە ناتوانێت بەتەواوى کۆنتڕۆڵى هەموو ئەندامەکانى بکات.

 

داواشى لە تالیبان کرد بەهۆشیارییەوە زاراوەى "دوژمن" بەکاربهێنن، "ئەندامانى ئەو بزوتنەوەیە پەیوەندیان بە تالیبانەوە کردووە لەبەرئەوەى حکومەتى گەندەڵیان ناوێت و هەوڵى بنیاتنانى وڵاتێک دەدەن بۆ هەمووان".