گه‌ڕان

Shadow Shadow
سیاسه‌تی

10 مەرجی هەیە

قائیمقامییەتی هەڵەبجە: هەرکەس دەیەوێت ببێت بە موختار سیڤییەکەی بنێرێت

2021.08.17 - 15:06
App store icon Play store icon Play store icon
قائیمقامییەتی هەڵەبجە: هەرکەس دەیەوێت ببێت بە موختار سیڤییەکەی بنێرێت

ناس کورد- 

قائیمقامیەتی هەڵەبجە ئاگادارییەکی بڵاوکردووەتەوە و دەڵێت، داواکارن هەر کەسێک کە ئارەزووی کاری موختاری (ئەنجوومەنی گەڕەک) دەکات و دەیەوێت ببێتە موختار، سیڤی (CV) پێشکەشی قائیمقامیەتی قەزای ناوەندی هەڵەبجە بکات بە مەبەستی دانانی وەک موختاری گەڕەک.

کەناڵی ناس کورد لە تێلیگرام جۆین بکە   

 

لە ئاگادارییەکەدا کە (سێشەممە 17ی ئابی 2021) بڵاویکردووەتەوە، قائیمقامیەتی هەڵەبجە دەڵێت، بۆ ئاسانکاری بۆ هاووڵاتیانی سنووری کارگێڕی قائیمقامیەتی قەزای ناوەندی هەڵەبجە و بەمەبەستی بوونی شەرعیەتی یاسایی بۆ ئەو مامەڵانەی کە پێویستی بە پشتگیری موختار هەیە موختار بۆ گەڕەکەکان دادەنێن و هەرکەس ئارەزووی ئەو کارە دەکات سیڤی پێشکەش بکات. 

 

بەگوێرەی ئاگادارییەکە ئە مەرجەکانی خۆکاندیدکردنە بۆ موختار:

 

١- هەڵگری رەگەزنامەی عێراقی بێت و لە دایک و باوکێکی عێراقی بێت، دانیشتووی ئەو گەرەکە بێت کە تێیدا دەبێتە موختار.

 

٢- کەسێکی شیانی یاسایی (اهلیە قانونیە)ی هەبێت.

 

٣- تەمەنی کەمتر نەبێت لە (٢٥) ساڵ.

 

٤- خاوەن خوڕەوشت و ناوبانگ و هەڵسوکەوتی بەرز و باش بێت.

 

٥- ئەگەر مووچە خۆر بێت بەڵێن بدات کە هیچ مووچە یان دەرەماڵە یان پاداشتێکی دارایی وەرنەگرێت و داوای مووچەی موختاری نەکات.

 

٦- ئاستی خوێندەواری (نووسین و خوێندنەوە) بێت، باشترە بڕوانامەیەکی خوێندنی هەبێت، لەکاتی پێشکەشکردنی داواکاری بۆ بوون بە موختار.

 

٧- هيچ کێشەیەکی تەندروستی و لەش و لاری نەبێت بەپێی ڕاپۆرتی پزیشکی پسپۆری پەسەند کراو.

 

٨- تاوانبار نەکرابێت بە هيچ تاوانێکی ئابڕوو بەرانە و حوکم نەدرابێت.

 

٩- لەسەردەمی رژێمی لە ناوچوو بەشداری لە تاوانەکانی دژ بە گەلی کوردستان نەکردبێت.

 

١٠- ماوەی کارکردنەکەی بۆ چوار ساڵە و مافی نوێ کردنەوەی ماوەکەی هەیە بۆ یەک جار.

 

ئاماژەی بەوەشکردووە، لەکاتی پێشکەشکردنی سیڤی ، داواکار بە ماف و ئەرکەکانی موختار  ئاشنا دەکرێت، هەرکەس ئارەزوومەندە سیڤی خۆی لە ماوەی (10) ڕۆژدا پێشکەش بە قائیمقامییەت بکات.

 

ناوی گەڕەکەکان: 

 

١-گەڕەکی کانی قوڵکە(١٠٢)

٢-گەڕەکی شارەوانی(١٠٤ _٢٠١)

٣-گەڕەکی ماردین

٤-مامۆستایان(٢٠٢)

٥-گەڕەکی شنروێ(٢٠٣)

٦-گەڕەکی شەهیدان(دابان+کارێز)(٢٠٤)

٧-گەڕەکی بەختیاری (شنروێ)(٢٠٨)

٨-گەڕەکی فەرمانبەران(١٠٣)

٩-گەڕەکی مۆردین(٤٠٤)

١٠- گەڕەکی دەروازەی شار(٤٠٦)

١١-گەڕەکی هەسەن ئاوا(٤٠٨)

١٢-گەڕەکی کیمیابارانی٢(سەروەرانی٢)

١٣-گەڕەکی باڵانبۆ (٤٠٢)

١٤- گەڕەکی گوڵان (٣٠٢)

١٥- گەڕەکی یادگاری (٤٠١)

١٦-گەڕەکی پیر محمد

١٧- گەڕەکی کانی عاشقان

١٨-گەڕەکی کیمیابارانی١(سەروەرانی١)

١٩-گەڕەکی سەرا(٣٠١)

٢٠-گەڕەکی بامۆک(٣٠٣)

٢١-گەڕەکی مۆردانە(٣٠٤)

٢٢-گەڕەکی کاژاو(٣٠٥)

٢٣-گەڕەکی هەولێر(پارکەکە)

٢٤-گەڕەکی سازگار(زانکۆ)

٢٥-گەڕەکی شۆڕش(پارتییەکان)

٢٦-گەڕەکی تەقتەقان(شوقەکان)

٢٧-گەڕەکی شاڕێ و بەفری میرییەکان(ئەندازیاران)

٢٨-گەڕەکی شەهیدانی کیمیاباران(یەک شەهیدەکان)