گه‌ڕان

Shadow Shadow
سیاسه‌تی

داوایەکی بەپەلە

داوایەکی بەپەلە: فریای سلێمانی بکەون

2021.08.16 - 12:01
App store icon Play store icon Play store icon
داوایەکی بەپەلە: فریای سلێمانی بکەون

ناس کورد- 

ئەندامێکی ئەنجومەنی پارێزگای سلێمانی هۆشداری دەدات کە لە هیچ نەخۆشخانەیەکی سلێمانی شوێن بۆ توشبووانی کۆرۆنا نەماوە و دەڵێت، پێویستە بە زووترین کات نەخۆشخانەی ئاسای تایبەت بە کۆرۆنا سەر بە نەخۆشخانەکانی دەزگای تەندروستی پێشمەرگە بکرێتەوە.

کەناڵی ناس کورد لە تێلیگرام جۆین بکە   

 

هۆشیار ئیسماعیل، ئەندامی ئەنجومەنی پارێزگای سلێمانی داوایەکی بەپەلەی ئاڕاستەی، سەرۆکایەتی ئەنجومەنی وەزیران، لیژنەی باڵای ڕووبەڕووبوونەوەی کۆرۆنا، وەزارەتی تەندروستی حکومەتی هەرێمی کوردستان، سەرۆکایەتی ئەنجومەنی پارێزگای سلێمانی، پارێزگاری سلێمانی، تەندروستی سلێمانی س خێرخوازان کردووە.

 

لە داواکەدا هاتووە، "داواکارم هەموو هەوڵەکانی خۆتان بخەنە گەڕ بۆ ئەوەی لە ماوەیەکی زۆر کەمدا نەخۆشخانەی ئاسای تایبەت بە کۆرۆنا کە لەسەر ئەرکی خێرخوازان دروستکرا و لە ماوەی ڕابردوو خزمەتیكی زۆری بە تووشبووانی کۆرۆنا کرد، بە داخەوە ماوەیەکە بەهۆی ئاوڕلێنەدانەوەی حکومەتی هەرێمی کوردستان و چیتر هاوکاری نەکردنی خێرخوازان نەخۆشخانەکە داخراوە." 

 

ئاماژەی بەوەشکردووە، "ئەمە لە کاتێکدایە کە ڕێژەی تووشبوون بەکۆرۆنا زۆر زیادی کردووە و لە هەڵکشاندایە و ڕۆژانە چەند هەزار کەسێک لە هەرێم هەڵگری ڤایرۆسی کۆرۆنان و بەداخەوە چەندین هاووڵاتی گیان لەدەست دەدەن، بەپێی سەردانی و بە دواداچوونەکانمان بۆمان ڕوون بووەتەوە لە ئێستادا لە هیچ نەخۆشخانەیەک توانای وەرگرتنی نەخۆشی کۆرۆنا نەماوە." 

 

دەشڵێت، " تکایە لە پێناو سەلامەتی گیانی هاووڵاتیانی هەرێمەکەمان هاوکاری ماددی و مەعنەوی ستافی نەخۆشخانەی ئاسا و سەرجەم ئەو نەخۆشخانانە بکەن کە بە هۆی هاوکاری نەکردنیان داخراون، بۆیە داواکارم پاڵپشتی زیاتریان بکەن بۆ تێپەڕاندنی ئەم دۆخە نەخوازراوە."