گه‌ڕان

Shadow Shadow
سیاسه‌تی

دۆخەکە مەترسیدارە

ئێران داخستنی گشتیی ڕاگەیاند

2021.08.14 - 19:02
App store icon Play store icon Play store icon
ئێران داخستنی گشتیی ڕاگەیاند

ناس کورد- 

لیژنەی نیشتیمانیی ڕووبەڕووبوونەوەی کۆرۆنا لە ئێران داخستنی گشتی لە وڵاتەکە ڕاگەیاند و بڕیارە سەرجەم دامەزراوە حکومییەکان و بانک و شوێنە بازرگانییەکان بۆماوەی پێنج ڕۆژ دادەخرێن و هاتوچۆی نێوان شارەکانیش قەدەغە دەکرێت.

کەناڵی ناس کورد لە تێلیگرام جۆین بکە   

 

عەلی ڕەزا ڕەئیسی، وتەبێژی لیژنەی نیشتیمانیی ڕووبەڕووبوونەوەی کۆرۆنا لە ئێران (شەممە 14ی ئابی 2021) ڕایگەیاند، بڕیاردرا بە داخستنی سەرجەم دامەزراوە حکومییەکان و بانکەکان و شوێنە بازرگانییەکان بۆ ماوەی پێنج رۆژ. 

 

هاوکات ئاماژەی بەوەشکردووە، لە ڕۆژی یەکشەممەوە تا هەینیی داهاتوو هاتوچۆ لە نێوان شارەکان بەهەموو شێوەیەک قەدەغە دەکرێت. 

 

هەر بەگوێرەی بڕیارەکان، مەراسیمی حسێینییە بەهەموو شێوەیەک قەدەغەکراوە و ڕەئیسی جەختیکردووەتەوە کە دۆخەکە مەترسیدارە و پێویستە هاووڵاتیان پابەندی بڕیارەکان بن. 

 

بڕیارەکان لەکاتێکدایە، ئامارەکانی کۆرۆنا لەو وڵاتە بەشێوەیەکی بەرچاو بەرزبووەتەوە تا گەیشتن بە ئاستی هێڵی سور.

 

فەرزین رەزاعی، سەرۆکی زانکۆی زانستە پزشکییەکانی کوردستان بە ئاژانسی "میهر نیوز"ی وتووە، "دۆخی کۆرۆنا لە کوردستان مەترسیدارە و شارەکانی سنە، مەریوان، بیجاڕ، سەقز و قوروە لە دۆخی سوور دان."