گه‌ڕان

Shadow Shadow
سیاسه‌تی

بەپەلە

لەبارەی کوژرانی هاووڵاتییەکی هەرێم لەلایەن تورکاوە ڕوونکردنەوە دەدرێت

2021.08.14 - 17:07
App store icon Play store icon Play store icon
لەبارەی کوژرانی هاووڵاتییەکی هەرێم لەلایەن تورکاوە ڕوونکردنەوە دەدرێت

ناس کورد- 

ناوەندی ڕاگەیاندنی هێزەکانی پاراستنی گەل - هەپەگە لەبارەی کوژرانی هاووڵاتییەک لەشەڕی نێوان پەکەکە و تورکیا ڕوونکردنەوەیەکی بڵاوکردەوە و ڕایگەیاند، ئەو هاووڵاتییە باوکی شەش منداڵە و لە ناو باخەکەی خۆیدا کەوتووەتەبەر هێرشی دەوڵەتی داگیرکەری تورک و شەهید بووە.

کەناڵی ناس کورد لە تێلیگرام جۆین بکە   

 

دەقی ڕاگەیەنراوەکە: 

 

لە رۆژی ١٣ی ئاب، هاووڵاتییەکی  تەمەن ٥٠ ساڵ و باوکی ٦ منداڵ بە ناوی ئیبراهیم حەسەن کە خەڵکی گوندی دێشیشێ ناحیەی کانی ماسی باشووری کوردستانە، لە کاتێکدا کە خەریکی کارکردن بوو لە ناو باخەکەی خۆیدا کەوتە بەر هێرشی دەوڵەتی داگیرکەری تورک و شەهید بوو. بەم بۆنەیەوە پرسە و سەرەخۆشی خۆمان ئاراستەی بنەماڵەی هێژای شەهید ئیبراهیم حەسەن و خەڵکی گوندی دێشیشێ دەکەین کە هەڵوێستیێکی شەرافەتمەند و نیشتمانپەرەرانەیان نواند و خاکی خۆیانیان بۆ داگیرکەر چۆڵ نەکرد.

 

سوپای داگیرکەری تورکیا کە وێڕای بەکارهێنانی هەموو ئیمکانیاتی سەربازی خۆی بە هۆی خۆڕاگری گەریلای ئازادی کوردستان ناتوانێت پێشڕەی بکات و هەموو رۆژێک گورزی بەرئەکەوێت، بە بێبەزەییانە و ترسنۆکانە هێرشی خەڵکی مەدەنی دەکات. دەوڵەتی داگیرکەر و جینوسایدکاری تورکیا کوشتنی خەڵکی بێتاوان و کەسانی مەدەنی کردۆتە کەلەپوورێک بۆ خۆی و دەیەوێت ئەمە وەک شتێکی ئاسایی بە سەر هەموو لایەکدا بسەپێنێت. سوپای تورکیا بە تایبەت لەو هەرێمانەی کە لە بەرامبەر خۆڕاگری گەریلا تووشی شکست دەبێت، بە ئەنقەست شوێنی مەدەنی بۆردمان دەکات و هاووڵاتیان کۆمەڵکوژ دەکات. ئارمانجی سوپای داگیرکەر ئەوەیە کە بە راماڵینی کورد لە ئەم هەرێمانە پیلانە داگیرکەرییەکانی هەنگاو بە هەنگاو جێبەجێ بکات. بەڵام گەلی نیشتمانپەروەری باشوری کوردستان لە بەرامبەر ئەم سیاسەتانە سەر دانانەوێت، خاک و زێدی خۆی بەجێناهێڵێت و سیاسەتی کۆمەڵکوژی و جینوسایدی دەوڵەتی تورکیا پووچەڵ دەکاتەوە.

 

لێرەدا رایدەگەیەنین کە مسۆگەر حیسابی ئەم کۆمەڵکوژییانە لە دەوڵەتی داگیرکەری تورکیا دەپرسین.

 

ناوەندی چاپەمەنی و راگەیاندنی HPG

 

١٤ی ئابی ٢٠٢١