گه‌ڕان

Shadow Shadow
سیاسه‌تی

زانیاریی زیاتر

پەروەردەى شارەزوور لەبارەی شکانی دەرگای ژووری دۆسییەکان ڕوونکردنەوە دەدات

2021.08.12 - 23:50
App store icon Play store icon Play store icon
پەروەردەى شارەزوور لەبارەی شکانی دەرگای ژووری دۆسییەکان ڕوونکردنەوە دەدات

ناس کورد-

بەڕێوبەرى پەروەردەى شارەزوور لەبارەى کردنەوەى دەرگاى ژوورى دۆسییەکانى بەڕێوەبەرایەتیەکەى لە شەودا ڕوونکردنەوە دەدات و دەڵێت، ڕەشەبا کردوویەتییەوە و دەستکاری دۆسییەکان نەکراون. 

کەناڵی ناس کورد لە تێلیگرام جۆین بکە   

 

چەند ڕۆژێکە لە قەزاى شارەزوور هەواڵى شکاندنى دەرگاى ژوورى دۆسیەیەکانى بەڕێوبەرایەتى پەروەردەى شارزوور بڵاوە و گومان دەکرا بۆ داپۆشینى دۆسیەى گەندەڵى بووبێت .

 

لەوبارەیەوە مەحمود حەمە ئەمین، بەڕێوبەرى پەروەردەى شارەزوور، (پێنجشەممە 12ى ئابى 2021) بە "ناس کورد"ى ڕاگەیاند، "بەڵێ  ئەو شەوە دەرگاى ژوورى مەلەفات کراوەتەوە، بەڵام بەهۆى باش دانەخستن و ڕەشەباوە بووە و هیچ دەستێک لە پشت ئەو ڕووداوەوە نییە".

 

ئەوەشى ڕوونکردەوە، ئەوان پۆلیسیان هەیە و هەر ئەو ڕۆژە پۆلیسەکانى بانگ کردووە بۆ پرسیار لە هۆکارى  کردنەوەى ئەو دەرگایە لەو شەوەدا، پۆلیسەکان هۆکارەکەیان گێڕاوەتەوە بۆ خراپى دەرگاکە و بوونى ڕەشەبا لەو شەوەدا .

 

ئەوەشى وت، " ئێمە دۆسیەکانمان لە کاتى سوتانى خۆپیشاندانەکانى شارەزووردا پاراستووە و لە ماڵاندا دۆسییەکانمان شاردووەتەوە".