گه‌ڕان

Shadow Shadow
سیاسه‌تی

بزانە لەسەر چی بووە

سۆران؛ کەسێک بە چەکی قەناس ئامۆزایەکی خۆی دەپێکێت

2021.08.08 - 19:23
App store icon Play store icon Play store icon
سۆران؛ کەسێک بە چەکی قەناس ئامۆزایەکی خۆی دەپێکێت

ناس کورد- 

لە قەزای سۆران مام و برازایەک دەبێتە شەڕیان و برازاکە بە ئۆتۆمبێل لە مامی دەدات، دواتریش کوڕێکی مامەکەی بە چەکی قەناس تەقە لە ئامۆزاکەی دەکات و برینداری دەکات.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا پۆلیسی سۆران (یەکشەممە 8ی ئابی 2021) ڕایگەیاند، "ڕووداوێکی شەڕ کردن لەدەروازەی شاری سۆران نزیک لەخالێکی پۆلیسی شارەوانی و پۆلیسی فریاکەوتن ڕوویدا کە لەنێوان دوو هاوولاتی بووە کە مام و برازای یەکتر بوون." 

 

ئاماژەی بەوەشکردووە، "سەرەتا یەکێکیان بە سەیارەی تایبەتی خۆی خۆی کێشاوە بەمامی خۆیدا و برینداری کردووە و قاچی شکاوە، پاشان کوڕی بریندارەکە بە چەکی جۆری قەناس تەقەی لێکردوە و ئەویش بریندار بووە و هەردوولا بەسوکی بریندار بوون ." 

 

ئەوەش هاتووە، "دەست بەجێ پۆلیسی فریاکەوتنی سۆران و پۆلیسی شارەوانی سۆران گەیشتنە شوێنی رووداوەکە و ڕووداوەکە کۆنترۆل کرا."

 

بەگوێرەی ڕاگەیەنراوەکە، "تۆمەتبار ( ك ع م ) بەپێی مادەی ٢٣ ی لەیاسای هاتوچۆ دەسگیرکرا و هەروەها تۆمەتبار ( ب ع م ) بەپێی مادەی ٤٠٥/٣١ لەیاسای سزادان دەستگیرکرا."