گه‌ڕان

Shadow Shadow
سیاسه‌تی

زانیاریی زیاتر

داوایەک لە لاهور شێخ جەنگییەوە بۆ چارەسەرکردنی کێشەکانی لەگەڵ بافڵ تاڵەبانی

2021.08.05 - 21:06
App store icon Play store icon Play store icon
داوایەک لە لاهور شێخ جەنگییەوە بۆ چارەسەرکردنی کێشەکانی لەگەڵ بافڵ تاڵەبانی

ناس کورد- 

لاهور شێخ جەنگی لەگەڵ ژمارەیەک مامۆستای ئایینی کۆبووەوە و داوای کرد، دۆخی ناوخۆی یەکێتیی بە ئاشتەوایی و برایەتی چارەسەر بکرێت، لەکاتێکدا بافڵ تاڵەبانی سورە لەسەر بەردەوام بوون لە گۆڕانکارییەکان.

کەناڵی ناس کورد لە تێلیگرام جۆین بکە   

 

بەگوێرەی ڕاگەیەنراوێکی نوسینگەکەی، ئەمرۆ پێنجشەممە، 5ی ئابی 2021، لاهور شێخ جەنگی، هاوسەرۆکی یەکێتیی نیشتیمانیی کوردستان، لە شاری سلێمانی پێشوازیکرد لە دەستەیەکی مامۆستایانی ئاینی کوردستان کە پێکهاتبوون لە نوێنەرانی مامۆستایانی ئاینی سلێمانی و هەولێر و گەرمیان و شارەزوور و کەرکوک.

 

بەگوێرەی ڕاگەیەنراوەکە،  لاهور شێخ جەنگی و مامۆستایانی ئاینی، هاورابوون کە "دۆخی ناوخۆی یەکێتیی بە ئاشتەوایی و برایەتی چارەسەر بکرێت و کۆتایی بەم دۆخە نەخوازراوە بهێندرێت."

 

ئەو پەیامەی لاهور شێخ جەنگی لەکاتێکدایە، هەر ئەمڕۆ بافڵ تاڵەبانی لەگەڵ لەگەڵ ژمارەیەک لە سەرۆک عەشیرەت و کەسایەتی کۆمەڵایەتی کۆبووەوە و ڕایگەیاند، "هەر بڕیارێک درابێت لەپێناو چاکسازی و بەرژەوەندی گشتیدا بووە و خەڵکی خۆشەویستی سنووری سلێمانی و هەرێمی کوردستان سوودمەندی یەکەم دەبن."   

 

بافڵ تاڵەبانی ڕاشیگەیاندووە، " گۆڕانکارییەکان بەردەوام دەبن و دەمانەوێت ژینگەیەکی لەبار و ئارام بۆ خەڵکەکەمان دەستەبەر بکەین و خزمەتگوزاری زیاتر پێشکەش بکەین، هیچ کەسێک لەسەروو یاساوە نەبێت و هەمووان هەست بە ئارامی و سەلامەتی بکەن، پاراستنی بەرژەوەندییە نەتەوەیی و نیشتمانییەکان بە ئەرکی خۆمان دەزانین و دابینکردنی ژیانێکی شایستە بۆ هاووڵاتییان کاری لەپێشینەمان دەبێت."