گه‌ڕان

Shadow Shadow
سیاسه‌تی

ئەمەریكییەكان سەرپشكيان كرد

بیرەوەری: شەوی لەسێدارەدان سەدام داوای بینینی براكانی كرد بەڵام نەچوون

2021.08.04 - 21:09
App store icon Play store icon Play store icon
بیرەوەری: شەوی لەسێدارەدان سەدام داوای بینینی براكانی كرد بەڵام نەچوون

ناس كورد-

بەگوێرەی گێڕانەوەكانی تاهیر تۆفیق ئەلعانی شەوی بەر لەسێدارەدان سەدام حسێن داوای بینینی زڕبراكانی كرد بەڵام بەهۆی رێكنەكەوتنیان لەسەر پێكەوە ڕۆیشتن بۆ دیدارەكە سەرینەگرت.

کەناڵی ناس کورد لە تێلیگرام جۆین بکە   

 

د. حەمید عەبدوڵڵا لەزنجیرە دۆكیۆمێنتاری "تلك الأیام" بیرەوەرییەكانی تاهیر تۆفیق ئەلعانی یەكێك لە سەركردەكانی بەعسی خستەڕوو لەبارەی رۆژگارەكانی زیندانی خۆی و سەرانیتری ڕژێمی پێشوو. لەبەشێك لەو گێڕانەوانەدا كە "ناس كورد" بینیویەتی (4ئابی 2021) ئەلعانی دەڵێت شەوی لەسێدارەدان ئەمەریكییەكان سەدامیان سەرپشك كرد لە داواكاری تایبەت ئەویش داوای دیداری زڕبراكانی كرد كە بەرزان و وەتبان و سەبعاوین و لەدایكەوە بران و ئەوانیش لە بەشێكیتری زیندان بوون.

 

بەگوێرەی بیرەوەرییەكانی ئەلعانی كە لەگەڵ سەرانی بەعس زیندان بووە، كاتێك ئەمە خواستەی سەدامیان گەیاندە بەرزان تكریتی وتی ئەگەر وەتبان بێت من ناچم، ئەویش هەر وەهای وت، بەهۆی ئەم ڕق و قینەی نێوانیشیان سەردانەكە سەرینەگرت و رۆژی دواتر سەدام لە سێدارەدرا.

 

ئامادەكاری دۆكیۆمێنتارییەكە هێشتا دڵنیا نەبووەتەوە بۆچی سەدام لەبری ئامۆزا و كەسە نزیكەكانی كە عەلی كیمیایی و عەبد حمود بوون داوای زڕبراكانی كرد، ئایا ویستی پەیامێكی تایبەتیان پێ بگەیەنێت یان هەر حەزێكی عاتفی بوو.

 

ئەلعانی تۆمەتباربووە بەتاوانی ئەنفال و لە 24 حوزەیرانی 2007 بێتاوان دەركراوە لە و تۆمەتانەی ئاراستەی كراون و ئازاد بووە.

 

بەرزان و وەتبان و سەبعاوی زڕبرای سەدام حسێن بوون لە دایكەوە، باوكیشیان لە عەشیرەتی بێجاتە كە عەشیرەتی سەدام حسێنە و لەبارەی دەسەڵات و پلەو پۆستیشەوە ناكۆكی زۆر لەنێوانیاندا هەبوو.