گه‌ڕان

Shadow Shadow
سیاسه‌تی

’’ناس’’ بڕیارەکانى مەکتەبی سیاسی یەکێتى ئاشکرادەکات

2021.08.04 - 16:57
App store icon Play store icon Play store icon
’’ناس’’ بڕیارەکانى مەکتەبی سیاسی یەکێتى ئاشکرادەکات

ناس کورد-

 

سەرچاوەیەکى ئاگادار لە یەکێتى رایگەیاند، لەکۆبوونەوەى مەکتەبی سیاسیدا چەد بڕیارێک دراوە لەوانە گۆڕینی هاوسەرۆكی لەیگەڵ پاراستنی پەیكەری ئێستای سەركردایەتی و هێشتنەوەی وەك خۆی. 

کەناڵی ناس کورد لە تێلیگرام جۆین بکە   

 

سەرچاوەکە بۆ "ناس کورد" ئەمرۆ چوارشەممە ئاشکرایکرد، سەرکردایەتى کەمناکرێتەوە و گۆڕانکاری بەسەردا نایەت، تەنها سیستەمەکە دەکرێتە سەرۆکایەتى یان سکرتێرى گشتى و هاوسەرۆکایەتى هەڵدەوەشێتەوە.

 

وتیشى "ئەندامانى مەکتەبی سیاسی پشتیوانى بافڵ تاڵەبانى بوون".

 

هاوکات سۆشیال میدیاى نزیک لە دەباشان بڵاویکردەوە، سێ ئەندامی مەکتەبی سیاسی دەچنە لای لاهور شێخ جەنگى و ڕاسپاردەی مەکتەبى سیاسی پێدەدەن، ئەگەر ڕازی نەبێت بە ڕاسپاردەکە، بافڵ تاڵەبانى هەڵوێستی توندی دەبێت.

 

ئاماژەى بەوەشکردووە، بافڵ تاڵەبانی بەرەسمی و بەدەنگی سەرکردایەتی و مەکتەب سیاسی دەکرێتە سەرۆک، پاشان لە پلینۆمدا سەرجەم گۆڕانکاریەکان دەچەسپێنرێت و هەیکەلیەتی یەکێتی دەگۆڕێت و بڕیاری لێدراوە‏.

 

ئەمڕۆ چوارشەممە، (4ی ئابی 2021) مەكتەبی سیاسی یەكێتیی نیشتمانیی كوردستان لە سلێمانی بە سەرپەرشتی هاوسەرۆك بافڵ تاڵەبانی كۆبووەوە.  

  

بەپێی ڕاگەیەنراوی کۆتایی کۆبوونەوەکە، چەند تەوەرێكی بواری حزبی و هەڵبژاردنەكان تاووتوێكران کە ئەمانەن:  

- كۆبوونەوە وێڕای گفتوگۆی لەسەر چارەسەری بەپەلەو یەكێتییانەی گرفتە ناوخۆییە حزبییەكان و دیاریكردنی رێوشوێنی دروست بۆیان لەناویشیاندا پاراستنی ئارامی و هێمنی هەرێمی كوردستان بەشاری سلێمانیشەوە، تەئكید لەسەر بەگەڕخستنی توانای ماددی و مەعنەوی مەكتەب و دەزگاكانی یەكێتیی كرایەوە بەرەو هەڵمەتێكی پڕ جۆش و خرۆشی پێكەوەیی و دیموكراتییانە بۆ سەرخستنی لیستی هاوپەیمانی كوردستان كە لیستی هاوبەشی بزوتنەوەی گۆڕان و یەكێتییە لە هەڵبژاردنی داهاتوی ئەنجومەنی نوێنەرانی عیراقدا.  

  

- مەكتەبی سیاسی گشت مەكتەب و مەڵبەندەكان و ئۆرگانەكانی یەكێتیی راسپارد كە هاوشانی ئۆرگانەكانی بزوتنەوەی گۆڕانی هاوپەیمان پەیوەستی میحوەرو بازنەكانی هەڵبژاردن بن، كە ئەركی هەرە لە پێشینەیانە بۆ سەرخستنی كاندیدەكانی هاوپەیمانی كوردستان لە هەموو بازنەكانی هەڵبژاردندا، چونكە سەركەوتنی هاوپەیمانی كوردستان ئاسۆیەكی روون و نوێ لەبەردەم گەلی كوردستان دەكاتەوە بۆ پەرەپێدانی خەباتی پەرلەمانی و دیموكراتی و لەپێناو چارەسەركردنی كێشەكانی هەرێمی كوردستان و حكومەتی فیدڕاڵ بە كێشەی ناوچە جێناكۆكەكانەوە كە هەر بە بژاردەی گفتوگۆ و رێوشوێنی سیاسی دەگەیەندرێتە ئەنجام.  

  

ئێوارەی 8 تەموزی 2021، بافڵ تاڵەبانی هاوسەرۆكی یەكێتی و قوباد تاڵەبانی جێگری سەرۆك وەزیران، بەرپرسانی دەزگای زانیاری و دژە تیرۆریان گۆڕی كە یەكەمیان كەسێكی نزیكی لاهور جەنگی و ئەویتریان پۆلاد جەنگی بوو، بەدوای ئەوەشدا بافڵ تاڵەبانی دەستی گرت بەسەر دەزگا میدیایی و حزبییەكانی سەر بە لاهور شێخ جەنگی هاوسەرۆكەكەیتری یەكێتی و پرۆسەكەش لەمیدیای ئەم حیزبەوە ناونرا "ڕاستكردنەوەی ڕێڕەو" و گەیشتە دەركردنی فرمانی گرتن بۆ لاهور شێخ جەنگی و دووان لە براكانی و هەندێك لە بەرپرسە نزیكەكانی.  

  


میدیا فەرمی و نیمچە فەرمییەكانیتری یەكێتی و بافڵ تاڵەبانی پێداگرن لەسەر ئەوەی بازنەی دەوروبەری لاهور جەنگی و دووان لە براكانی هۆكاری سەرەكی تەشەنەكردنی قاچاخچێتی و پارە سپیكردنەوە و داگیركردنی زەوی و بەكارهێنانی هێزە ئەمنییەكانیان بوون بۆ مەرامی شەخسی لەژێر دەسەڵاتی یەكێتی، لە بەرامبەریشدا لاهور شێخ جەنگی جەخت لەوە دەكاتەوە ئەوەی بەرامبەری كراوە پیلانگێڕی توركیا و پارتییە و هۆكارەكەشی هاوكاریكردنی بووە بۆ رۆژئاوای كوردستان و هەوڵدانی بووە بۆ گۆڕینی باڵانسی هێز لەنێوان پارتی و یەكێتی.