کەناڵی ناس کورد لە تێلیگرام جۆین بکە
ناس کورد- وەزیری پەیوەندییەکانی ئێران ڕایگەیاند هێرشە ئەلکترۆنییەکانی ئەمریکا بۆسەر دامەزراوەکانی وڵاتەکەی سەرکەوتوو نەبوون و وتی، " 33 ملیۆن هێرش کراوەتە سەریان." . محەمە جەواد ئازەری وەزیری پەیوەندییەکانی ئێران، لە تویتێکدا ڕایگەیاند: "هێرشی ئەلکترۆنی ئەمریکا بۆسەر ئێران بەتەواوی ڕاستە و ماوەیەکە ئێمە ڕوبەڕووی تیرۆرزمی ئەلیکترۆنی بووینەتەوە." . محەمە جەواد ئازەری ڕایگەیاند سەرجەم ئەو هێرشە ئەلکترۆنیانەی کراوەتە سەریان سەرکەوتوو نەبوون و شکستیان هێناوە. . وەزیری پەیوەندییەکانی ئێران ئاماژەی بەوەشكردووە، "لەماوەی ڕابردوو 33 ملیۆن هێرش کراوەتەسەر سیستمە ئەلکترۆنییە کارپێکراوەکانیان، بەڵام ڕێی لە هەموویان گیراوە." . ئەمە لەکاتێکدایە، لە چەند ڕۆژی ڕابردوودا بەرپرسانی ئەمریکا ڕایانگەیاند، هێرشێکی ئەلکترۆنیان کردووەتە سەر چەند دامەزراوەیەکی ئێران و زیانیانیان بە سیستمی چەند بنکەیەکی موشەکیی ئەو وڵاتە گەیاندووە. .
