گه‌ڕان

Shadow Shadow
سیاسه‌تی

بەپەلە

’’بڕیارێکی نوێ لە یەکێتییەوە: هەموو ئەم کەسانە دەستگیر دەکرێن’’

2021.07.30 - 17:49
App store icon Play store icon Play store icon
’’بڕیارێکی نوێ لە یەکێتییەوە: هەموو ئەم کەسانە دەستگیر دەکرێن’’

ناس کورد- 

میدیای نزیک لە ماڵی (جەلال تاڵەبانی) بڵاویکردەوە، "یەکێتی سوورە لەسەر جێبەجێکردنی بڕیارەکانی و هەموو ئەو کەسانەی تێوەگلاون لە بازرگانیی ناشەرعی یاخوس سەرانە وەرگرتن لە خەڵک دەستگیردەکرێن و ڕووبەڕووی دادگا دەکرێنەوە".

کەناڵی ناس کورد لە تێلیگرام جۆین بکە   

 

ئەو میدیای نزیک لە ماڵی تاڵەبانی (هەینی 30ی تەموزی 2021) لەزاری سەرچاوەیەکی باڵای یەکێتییەوە ڕایگەیاندووە، "یەکێتی سوورە لەسەر جێبەجێکردنی یاسا و هەموو ئەو کەسانەی بە بازرگانی ناشەرعی و تلیاک و جۆرەها بازرگانیی نادروستەوە تێوەگلاون، دەستگیردەکرێن و ڕووبەڕووی دادگا دەکرێنەوە." 

 

ئاماژەی بەوەشکردووە، "پێشتر کەسانێک هەبوون سەرانەیان لە خەڵک سەندووە و کاری ناشرینیان بەهۆی شوناسی دەزگایەکی ئەمنی یاخود کەسێکی خاوەن بڕیارەوە کردووە، بۆیە ئێستا دەبێت ڕووبەڕووی دادگا بکرێنەوە و لێپێچینەوەیان لەگەڵ بکرێت." 

 

ئەوەشی خستووەتەڕوو، "لە داهاتوودا دەردەکەوێت کە سلێمانی چەند بە دەست گروپە مافیاییەکانەوە زەرەرمەند بووە." 

 

ئەو میدیای نزیک لە ماڵی تاڵەبانی لەزاری ئەو سەرچاوە باڵایەوە ڕاشیگەیاندووە، "بەفەرمانی بافڵ تاڵەبانی نابێت چاوپۆشی لە کەس بکرێت کە زیانیان بە خەڵک گەیاندووە و کاری ناشرینیان بەناوی یەکێتی و دەزگاکانەوە کردووە."

 

ئەوەش لەکاتێکدایە، ماوەی چەند ڕۆژێکە دەرکردنی فەرمانی دەستگیرکردن بۆ ژمارەیەک بەرپرسی یەکێتی دەرچووە لەنێویاندا، د. میران محەمەدی ئەندامی مەکتەبی سیاسی و هەروەها بەرپرسی پێشووی دەزگای زانیاریی گەرمیان. 

 

زیاتر بخوێنەرەوە: ’’سێ دۆسیەى لەسەرە’’..فەرمانى دەستگیرکردن بۆ میران محەمەد دەرکرا

 

زیاتر بخوێنەرەوە: بارودۆخی یەكێتی: گۆڕانكاریی دەگاتە پۆستە حكومییەكان

 

 

ئێوارەی 8 تەمموزی 2021، بافڵ تاڵەبانی  هاوسەرۆكی یەكێتی و قوباد تاڵەبانی جێگری سەرۆك وەزیران، بەرپرسانی دەزگای زانیاری و دژە تیرۆریان گۆڕی كە یەكەمیان كەسێكی نزیكی لاهور جەنگی و ئەویتریان پۆلاد جەنگی بوو، بەدوای ئەوەشدا بافڵ تاڵەبانی دەستی گرت بەسەر دەزگا میدیایی و حزبییەكانی سەر بە لاهور شێخ جەنگی هاوسەرۆكەكەیتری یەكێتی.

 

میدیا فەرمی و نیمچە فەرمییەكانیتری یەكێتی و بافڵ تاڵەبانی پێداگرن لەسەر ئەوەی بازنەی دەوروبەری لاهور جەنگی و دووان لە براكانی هۆكاری سەرەكی تەشەنەكردنی قاچاخچێتی و پارە سپیكردنەوە و داگیركردنی زەوی و بەكارهێنانی هێزە ئەمنییەكانیان بوون بۆ مەرامی شەخسی لەژێر دەسەڵاتی یەكێتی، لە بەرامبەریشدا لاهور شێخ جەنگی جەخت لەوە دەكاتەوە ئەوەی بەرامبەری كراوە پیلانگێڕی توركیا و پارتییە و هۆكارەكەشی هاوكاریكردنی بووە بۆ رۆژئاوای كوردستان.