گه‌ڕان

Shadow Shadow
سیاسه‌تی

زانیاریی زیاتر

عێراق یەکێکە لە خراپترین وڵاتەکان بۆ کوتانی هاووڵاتیان بە ڤاکسینی کۆرۆنا

2021.07.30 - 11:47
App store icon Play store icon Play store icon
عێراق یەکێکە لە خراپترین وڵاتەکان بۆ کوتانی هاووڵاتیان بە ڤاکسینی کۆرۆنا

ناس کورد-

ڕوانگەیەکی جیهانی بڵاویکردەوە، 12 وڵات لەجیهاندا پرۆسەی کوتانی هاووڵاتیانیان دژبە کۆرۆنا بەسیستی بەڕێوە دەچێت و ڕێژەکەی 1% تێپەڕ ناکات، داتاکانیش دەریانخستووە، عێراق یەکێکە لەو وڵاتانە.

کەناڵی ناس کورد لە تێلیگرام جۆین بکە   

 

 ماڵپەڕی ڕوانگەی "ئۆر ۆوڕڵد ئین داتا" ( 30ی تەموزی 2021) بڵاویکردەوە، " جیاوازییەکی گەورە لەنێو وڵاتانی جیهاندا هەیە لەبارەی ئاستی پرۆسەی کوتان بەڤاکسینەکانی دژ بەڤایرۆسی کۆرۆنا." 

 

ئاماژە بەوەکراوە، " پرۆسەی کوتان دژبە پەتای کۆرۆنا لە 12 وڵاتی جیهان زۆر بە خاوی بەڕێوەدەچێت کە بریتین لەوڵاتانی هایتی، باشوریی سۆدان، تورکمانستان، جەزائیر،مالی، بینین، بۆرکیناڤاسۆ، چاد، مەدغەشقەر،غینیا، سوریا، عێراق و یەمەن".

 

بەگوێرەی ڕوانگەکە، " لە هەر 100 هاوڵاتییەک لەو وڵاتانە، تەنها یەک کەسیان ژەمی  یەکەمی  ڤاکسینی دژ بە ڤایرۆسی کۆرۆنای وەرگرتووە".  

 

داتاکانی ئەو ڕوانگەیە شۆکهێنەر بووە بۆ ڕێکخراوەکانی  تەندروستی لەجیهاندا، بەجۆرێک ئەوە دەرکەوتووە کە هاووڵاتیانی کۆماری (کۆنگۆی دیموکراسی) لە کیشوەری ئەفریقا تەنها لە 0.09%دا ژەمی یەکەمی ڤاکسینەکەیان وەرگرتووە و تا ئێستاش هیچ هاووڵاتییەک ژەمی دووەمی  ڤاکسینەکەی وەرنەگرتووە".

 

لەئێستادا جۆری گۆڕاوی ڤایرۆسی کۆرۆنا کە ناسراوە بە ( دەلتا) بەتووندی لەعێراق و ژمارەیەک وڵاتانی جیهان تەشەنەی کردووە، کە ئەوەش وایکردووە ڕۆژانە بەهەزاران کەس توشی نەخۆشییەکە ببن و دەیان کەسی دیکەش گیان لەدەست بدەن.