گه‌ڕان

Shadow Shadow
سیاسه‌تی

لێدوانێک لەبارەى لادانی بەرپرسی مەڵبەندی کەرکوکی یەکێتی لەلایەن بافڵ تاڵەبانییەوە

2021.07.28 - 20:55
App store icon Play store icon Play store icon
لێدوانێک لەبارەى لادانی بەرپرسی مەڵبەندی کەرکوکی یەکێتی لەلایەن بافڵ تاڵەبانییەوە

ناس کورد-

وتەبێژی مەڵبەندی یەکێتی لە کەرکوک لەبارەى لەسەرکارلابردنی محەمەد دووشیوانی، بەرپرسی مەڵبەندەکە لەلایەن بافڵ تاڵەبانی، هاوسەرۆکى یەکێتی ڕوونکردنەوە دەدات و دەڵێت، ناوبراو لە کارەکەى بەردەوامە و هەمووی "قسەى سۆشیاڵ میدیایە."

کەناڵی ناس کورد لە تێلیگرام جۆین بکە   

 

نەجات محەمەد، وتەبێژی مەڵبەندی کەرکوکی یەکێتیی نیشتمانیی کوردستان لە لێدوانێکی تایبەتدا بە "ناس کورد" ئاشکرای کرد (28ی تەموزی 2021)، "هەموو ئەو قسانە لەبارەى لابردنی محەمەد دووشیوانی لە پۆستەکەى دوورن لە ڕاستییەوە و قسەى سۆشیاڵ میدیا و پەیجە ساختەکانە."

 

وتیشی، سەرچاوەی ئەو دەنگۆیە بڵاوبوونەوەى وێنەیەکی بەرپرسی مەڵبەندەکانە لەگەڵ بافڵ تاڵەبانی، هاوسەرۆکی یەکێتی کە محەمەد دووشیوانی تێدا نییە و وا لێکدرایەوە کە ناوبراو لەسەرکارلابراوە، "بۆیە دەمەوێت ڕوونکردنەوە بدەم کە کاک محەمەد لە کۆبوونەوەکە بەشدار بوو و بەهۆی پابەندییەکی خۆی کەمێک پێش تەواوبوونی، کۆبوونەوەکەى بەجێهێشتوە بۆیە لە وێنەکاندا نییە."

 

نەجات محەمەد جەختی کردەوە کە "یەکێتی لە ئێستادا چاوی زۆری لەسەرە و درۆ و بوهتانی زۆری لەسەر دەکرێت، ئەوەش ئاساییە لەم کاتەدا."

 

هەر ئەمڕۆ میدیای فەرمی یەکێتی لە هەواڵێکدا بڵاویکردەوە، دوای بە دوای كۆبوونەوەیان لەگەڵ بافڵ تاڵەبانی، هاوسەرۆكی یەكێتیی نیشتمانیی كوردستان لێپرسراوی مەڵبەندی دووی رێكخستنی كەركوك لەگەڵ ئەنجوومەنی مەڵبەند و كۆمیتەكان و كادرانی یەكێتی لە بارەگای مەڵبەندی دووی رێكخستنی یەكێتیی نیشتمانیی كوردستان كۆبووە.

 

دەشڵێت، "لە كۆبوونەوەكەدا كادران و ئەندامانی یەكێتی لە هەنگاوەكانی چاكسازی لە حزب و حكومەت ئاگاداركردەوە و تەئكیدیان لەسەر ئەوەكردەوە دەبێت كادران و ئەندامانی یەكێتی هەمیشە خزمەتكاری خەڵك بن و مەڵبەند و ئۆرگانەكانی یەكێتیش، ببنەوە بە ماڵی راستەقینەی حزبایەتی و تیكۆشانی سیاسی و رێكخراوەیی."