گه‌ڕان

Shadow Shadow
سیاسه‌تی

پەیامێک لە مەسعود بارزانییەوە بۆ هەورامان

2021.07.28 - 17:00
App store icon Play store icon Play store icon
پەیامێک لە مەسعود بارزانییەوە بۆ هەورامان

ناس کورد-

مەسعود بارزانی، سەرۆکی پارتی دیموکراتی کوردستان ڕایگەیاند، بە بڕیاری ئەم دواییەی ڕێكخراوی جیهانیی پەروەردەیی و زانستی و فەرهەنگیی سەر بە ڕێكخراوی نەتەوە یەكگرتووەكان (یونسكۆ)، "زۆر خۆشحاڵم كە تێیدا ئەو بەشەی ناوچەی هەورامان كە كەوتووەتە ڕۆژهەڵاتی كوردستان، خراوەتە نێو لیستی شوێنەواری گرنگی مرۆڤایەتی."

کەناڵی ناس کورد لە تێلیگرام جۆین بکە   

 

بارزانی لە پەیامەکەیدا دەڵێت، "هەورامان ناوچەیەكی گرنگی كوردستانە كە هەمیشە ڕۆڵی بەرچاوی لە فەرهەنگ و ئەدەب و مێژوو و شۆڕش و سیاسەت و بزاڤی ڕزگاریخوازی كوردستاندا هەبووە. بێگومان ئەو بڕیارەی یونسكۆش دەستكەوتێكی ترە بۆ خەڵكی كوردستان و ناوچەی هەورامان."

 

"بەم بۆنەوە پیرۆزبایی لە گەلی كوردستان و خەڵكی خۆشەویستی ناوچەی هەورامان دەكەم و هیوای ئارامی و پێشكەوتنی زیاتریان بۆ دەخوازم."

ڕۆژی یەکشەممە لە چل و چوارەمین کۆبوونەوەی کۆمیەتی میراتی جیهانیی ڕێکخراوی یۆنسکۆ هەورامانی ڕۆژهەڵاتی خرایە ناو لیستی شوێنەوارەکانی جیهانەوە.

 

پویا تالب نیا، بەڕێوەبەری بنکەی مەنزەری فەرهەنگیی هەورامان لە ڕۆژهەڵاتی کوردستان بە ڕۆژنامەنوسانی (27ی تەموزی 2021) وت، دۆسیەی ناوچەی هۆرامان لە چل و چوارەمین کۆبوونەوەی کۆمیەتی میراتی جیهانیی یۆنسکۆ لە لایەن ئەندامانەوە پەسەند کرا و تۆماری جیهانیی بوو.

 

وتیشی، وێڕای پیرۆزبایی ئەم ڕووداوە فەرهەنگیە گرنگە، سوپاسی هەموو ئەو کەسانەی کرد کە هەوڵیان داوە بۆ ئەوەی هەورامان تۆماری جیهانیی بکرێت.

 

تالب نیا ڕاشیگەیاند، هەورامان بیست و شەشەمین ئاسەواریی تۆمارکراوی جیهانیی ئێرانە کە دوای مەنزەری فەرهەنگیی شاری بەم و مەیمەند یۆنسکۆ تۆمار کراوە و توانیوەتی بە هۆی دابونەریتی فەرهەنگی تایبەت و کۆن و ئێستاش زیندووی جێ پەسەندی ئەندامانی یۆنسکۆ بێت.

 

هاوکات حەمەی حەمەسەعید، وەزیری ڕۆشنبیری و لاوانی حکومەتی هەرێمی کوردستان رایگەیاند، بڕیارەکەی یونسکۆ دەستکەوتێکی گەورەو گرنگە بۆ کوردستان، ھەرچەندە ئەبوو زووتر ئەم بڕیارە بدرایە.

 

وتیشی، سوپاس و دەستخۆشی بۆ ھەمو ئەو کەس و تیم و لایەنانەی لەم بارەوە تەلاش و تێکۆشانیان کرد.