گه‌ڕان

Shadow Shadow
سیاسه‌تی

’’ئێرانیش ڕازییە’’

نهێنییەكانی دیداری كازمی و بایدن ئاشكراكران

2021.07.28 - 10:49
App store icon Play store icon Play store icon
نهێنییەكانی دیداری كازمی و بایدن ئاشكراكران

ناس کورد-

 

رۆژنامەی ئەلعەرەبی چاپی لەندەن بڵاویكردەوە، لە رێككەوتنی كازمی و جۆ بایدندا مانەوەی سوپای ئەمەریكا لە عێراق بەناونیشانێكی تر مسۆگەر كراوە، كازمی سەرۆك وەزیرانیش بیانووی هێزە میلیشیاكانی بڕیوە و ئێرانیش بە رێككەوتنەكە ڕازییە.

کەناڵی ناس کورد لە تێلیگرام جۆین بکە   

 

بەگوێرەی ڕاپۆرتی ڕۆژنامەی ئەلعەرەب كە "ناس كورد" بینیویەتی (28 تەمموزی 2021) ئێران ئەوەی خستووەتە ئەستۆی خۆی كە گروپە چەكدارەكان ڕازی بكات بەهێوركردنەوەی بارودۆخ پاش گۆڕینی ناونیشانی مانەوەی هێزەكانی ئەمەریكا بۆ ڕاوێژكاری و ڕاهێنان. بەرامبەر بەمەش كازمی ئەوەی دەستكەوتووە كە ئاگربەست بەردەوام بێت تا ساتی هەڵبژاردنی تشرینی 2021.

 

هەر بەگوێرەی راپۆرتی رۆژنامەكە، بایدن بەئەنقەست لەو كاغەزەی دەستی دێڕێكی دزەپێكردووە بۆ چاوی كامێراكان كە نوسراوە "ئێران ڕاگرتنی هێرشەكان بەهەند وەردەگرێت". لەكاتێكدا دێڕی دووەمی باسی ئامادەیی ئەمەریكا دەكات بۆ وەڵامدانەوەی هێرشەكان كە ئەمەش نەگونجاوە لەگەڵ ئەركی ڕاوێژكاری و ڕاهێنان و مانای وایە مانەوەی هێزەكانی ئەمەریكا هەر وەك خۆی دەبێت.

 

تا ئێستا جگە لەهاوپەیمانێتی فەتحی حەشدی شەعبی موقتەدا سەدر و حیزبی شیوعی و زۆربەی هێزە سیاسییەكانی عێراق ستایشی ئەنجامی دیداری كازمی بایدن دەكەن كە بووەهۆی گەڵاڵەكردنی شێوازێكی نوێ بۆ بڵاوبوونەوەی بنكە ئەمەریكییەكان لەعێراق.