گه‌ڕان

Shadow Shadow
سیاسه‌تی

بۆ پشتگیرى خۆپیشاندانەکان

لەکودەتایەکى سیاسیدا پەرلەمانى تونس پەکخرا و سەرۆک وەزیران دوورخرایەوە 

2021.07.26 - 09:38
App store icon Play store icon Play store icon
لەکودەتایەکى سیاسیدا پەرلەمانى تونس پەکخرا و سەرۆک وەزیران دوورخرایەوە 

ناس کورد- 

بەهۆى کەوتنەوەى توندوتیژى لەخۆپیشاندانەکانى چەند شارێکى وڵاتەکەیدا، سەرۆک کۆمارى تونس بەپێى مادەى 80ى دەستوورى وڵاتەکەى پەرلەمانى هەڵوەشاندەوە و سەرۆک وەزیرانیشى لەکارەکەى دوورخستەوە.

 

کەناڵی ناس کورد لە تێلیگرام جۆین بکە   

 

قەیس سەعید (26ى تەموزى 2021) لەمیانەى وتارێکى تەلەفزیۆنییدا کە "ناس کورد" بینوویەتى ڕایگەیاند، بەهاریکارى سەرۆک وەزیرانى نوێ کە خۆى دیاری دەکات سەرپەرشتیارى دەسەڵاتى جێبەجێکردنیش دەکات و هەروەها بڕیاریشداوە هەموو شارەزاکانى ئەنجومەنى نوێنەران هەڵپەسێرێت و پارێزبەندیش لەسەر ئەندامانى پەرلەمان هەڵبگرێت.

 

جەختى لەسەر ئەوەش کردووەتەوە، هیشام مەشیشى سەرۆک وەزیرانیشى لەکارەکەى دوورخستووەتەوە.

 

سەعید باسى لەوەش کرد، ئەوەى یەک گولە بتەقێنێت ئەوا ڕووبەرڕووى هێزە ئەمنییەکانیان دەبێتەوە و چەندین ڕێوشوێنى تریش بۆ خوێن نەڕشتن دەگرنە بەر.

 

پێشتریش لەکۆبونەوەیەکى نائاسایدا لەگەڵ فەرماندە سەربازى و ئەمنییەکانى وڵاتەکەیدا ڕایگەیاند، بەهۆى ئەو بارودۆخەى لەوڵاتەکەیاندا تێپەڕدەبێت چەند ڕێوشوێنێکى جیاواز دەگرنە بەر و هەندێک خەڵکیش هەیە ئامادەیە  لەچەند گەڕەکێک پارە بدات بۆ ئەوەى شەڕى ناوخۆى هەڵبگیرسێت.