گه‌ڕان

Shadow Shadow
سیاسه‌تی

زانیاریی زیاتر

فەرماندەی کەتیبەکانی سەید شوهەدا: قاچی سەربازانی تورکیا دەبڕین

2021.07.24 - 21:43
App store icon Play store icon Play store icon
فەرماندەی کەتیبەکانی سەید شوهەدا: قاچی سەربازانی تورکیا دەبڕین

ناس کورد-

فەرماندەی کەتیبەکانی سەید شوهەدای سەربەحەشدی شەعبی، هەڕەشەی توندی لەسوپای تورکیا کرد و ڕایگەیاند، قاچی هەر سەربازێکی سوپای تورکیا دەبڕن ئەگەر هەوڵبدەن خاکی عێراق داگیربکەن.

کەناڵی ناس کورد لە تێلیگرام جۆین بکە   

 

ئەبوئالا وەلائیی، فەرماندەی کەتیبەکانی سەید شوهەدا (شەممە 23ی تەموزی 2021) لەتویتێکدا بڵاویکردەوە، " لەم ڕۆژانەدا گوێمان لەوەیە لایەنەکان بەشەرمەوە ئیدانەی داگیرکردنی خاکی عێراق دەکەن، داگیرکەری ئەمەریکی شەرم ناکات و بە بیانووی خۆشەویستی بۆعێراق دەیەوێت بمێنیتەوە و لەلایەکی تریشەوە داگیرکەری تورکی خەریکە زیادڕەوەی دەکات و دەڵێن، بە پێ دێنە ناو خاکی عێراقەوە و داگیری دەکەین".

 

ئاماژەی بەويشکردووە، "هیچ سەرباز و ئەفسەرێکی ئەمەریکی یان بەریتانی یان لەهەر ڕەگەزێکی دیکە بێت، لەناوی خاکی عێراق نامێنێتەوە".

 

فەرماندەی گڕوپە چەکدارییەکەی حەشدی شەعبی ئەوەشی وت، "ئێمە پابەندی هیچ ڕێککەوتنێک نابین کە گەل ڕێگەی پێی نەدابێت، دەبێت هەموو ڕێککەوتنەکان لەسەر بنەمای دەرکردنی داگیرکەر سەرچاوەی گرتبێت".

 

ئەبوئالا وەلائیی هەڕەشەی توندیشی لەت ورکیا کرد و دەڵێت، " بەختی خۆتان تاقیبکەنەوە و بەپێ وەرن بۆ ناوخاکی عێراق، دواتر بزانن چۆن قاچی هەرزەکارانی سوپاکەتان دەبڕین، دەتوانن ئەوە لە ئاغاکەتان (ئەمەریکا) بپرسن".

 

تویتەکەی ئەبوئالا وەلائیی لە کاتێکدایە کە چەند ڕۆژێک لەمەوبەر سلێمان سویلۆ، وەزیری ناوخۆی تورکیا ڕاگەیاند، " ئەو ڕۆژانەی کە بەپێ دەچینە ناو خاکی عێراق و سوریاوە  زۆرنزیک بووەتەوە کە ئەوەش کاردانەوەی توندی لێکەوتەوە لەناوخۆی عێراق.