گه‌ڕان

Shadow Shadow
سیاسه‌تی

زانیاریی زیاتر

نیویۆرک تەمەنى هاوسەرگیریى کچان بەرز دەکاتەوە

2021.07.23 - 21:38
App store icon Play store icon Play store icon
نیویۆرک تەمەنى هاوسەرگیریى کچان بەرز دەکاتەوە

ناس کورد- 

ولایەتى نیویۆرک چیتر ڕێگە بە هاوسەرگیرى کچانى تازە پێگەیشتوو نادات و ساڵێکیش تەمەنى هاوسەرگیرى بەرز دەکاتەوە.

کەناڵی ناس کورد لە تێلیگرام جۆین بکە   

 

ماڵپەڕى The Hillى ئەمریکى (23ى تەموزى 2021) بڵاویکردووەتەوە، ئاندرۆ کۆمۆ حاکمى ولایەتى نیویۆرک پرۆژە یاسایەکى واژۆ کردووە و بووە بە یاسا و تێیدا چیتر ڕێگە نادرێت بەو کەسانەى تەمەنیان 17 ساڵە هاوسەرگیرى بکەن، کە پێشتر ڕێگە دەدرا ئەویش بە ڕەزامەندى دایک و باوک و دادگا.

 

ئەوەش هاتووە، بەپێى یاساکە تەمەنى ڕێگە پێدراو بۆ هاوسەرگیرى بەرزکراوەتەوە بۆ 18 ساڵ، ئەوەش واتاى ئەوەیە یەک ساڵ بەرز کراوەتەوە.

 

لاى خۆیەوە ئاندرۆ کۆمۆ بە ماڵپەڕەکەى وتووە، ئیدارەکەى بەردەوام هەوڵى ڕێگری کردنى هاوسەرگیرى تازە پێگەیشتووانى داوە لە نیویۆرک، شانازیش بە واژۆکردنى ئەو پرۆژە یاسایەوە دەکات کە ئامانجى پاراستنى منداڵانە لە مەترسى و بەکارهێنانیان.

 

کۆمۆ ڕونیشیکردووەتەوە، پێویستە ڕێگە بە منداڵان بدرێت منداڵى خۆیان بژین و سوپاسى سەرجەم ئەو کەسانەش دەکات هاوکار بوون لە ئامادەکردن و تێپەڕاندنى یاساکەدا.

 

بەپێى زانیاریەکانى ماڵپەڕەکە، بڕیار یاسا نوێکە لە بەروارى 20\8\2021ەوە بکەوێنە بوارى جێبەجێ کردنەوە.