گه‌ڕان

Shadow Shadow
سیاسه‌تی

بەپەلە

لەبارەی دەستگیرکردنی 17 بازرگان لە دەروازەی پەروێزخان ڕوونکردنەوە دەدرێت

2021.07.23 - 17:34
App store icon Play store icon Play store icon
لەبارەی دەستگیرکردنی 17 بازرگان لە دەروازەی پەروێزخان ڕوونکردنەوە دەدرێت

ناس کورد- 

دوای ئەوەی میدیای یەکێتی بەناوی وتەبیژی دەروازەی سنوریی پەروێزخانەوە دەستگیرکردنی ١٧ بازرگان و نەمانی قاچاخچێتی لە دەروازەکە بڵاوکردەوە، وتەبێژەکە دەڵێت، بەهیچ شێوەیەک وای نەوتووە و ئەو ١٧ کەسەش پێشتر دراونەتە دادگا، نەک لەدوای گۆڕانکارییەکانی یەکێتی، دەشڵێت، پێشتر و ئێستاش کاری قاچاخچێتی لە دەروازەکە بوونی نەبووە. 

کەناڵی ناس کورد لە تێلیگرام جۆین بکە   

 

ئەمڕۆ هەینی ٢٣ی تەموزی ٢٠٢١، میدیای یەکێتی بەناوی عەباس ئیسماعیل، وتەبێژی دەروازەی سنوریی پەروێزخانەوە بڵاویکردەوە، "لە دەروازەی سنوریی پەروێزخان قاچاخچێتی بوونی نەماوە و ١٧ بازرگانیش دەستگیرکراون." 

 

لەوبارەیەوە عەباس ئیسماعیل بە "ناس کورد"ی ڕاگەیاند، "بەهیچ شێوەیەک هیچ لێدوانێکی لەوشێوەیەم نەداوە و قسەکانم شێوێندراون." 

 

وتیشی، "من وتوومە نە ئێستا و نە پێشتریش قاچاخچێتی لە دەروازەی سنوریی پەروێزخان بوونی نەبووە، ئەو ١٧ کەسەش لەسەر قاچاخچێتی دەستگیرنەکراون، بەڵکو لەسەر ڕسوماتی گومرگی و مامەڵەی دیکە دراونەتە دادگا و هەندێکیان بێتاوان دەرچوون هەندێکیشیان بەسەریاندا ساغ بووەتەوە و  ڕووبەڕووی یاسا کراونەتەوە." 

 

وتەبیژی دەروازەی سنوریی پەروێزخان جەختیشیکردەوە، "دووپاتی دەکەمەوە درانە دادگای ئەو ١٧ کەسە و نەبوونی قاچاخچێتی لە دەروازەکە هیچ پەیوەندییەکی بە بریار و گۆڕانکارییەکانی یەکێتییەوە نییە و ئێستا دەروازەکە چۆنە پێشتریش هەر بەوشێوەیە بووە."

 

وتەبیژی دەروازەی سنوریی پەروێزخان باسی لەوەشکرد، "بەهۆی توندوتۆڵی دەروازەکەمان و جێبەجێکردنی سەرجەم ڕێنماییەکانی وەزارەتی دارایی و کوالێتی کۆنتڕۆڵ و گومرگی گشتی، بەڕێژەی %80 هاوردەکردنی بار لە دەروازەکە کەمی کردووە و بارەکان دەبردرێنە ئەو دەروازانەی کە ڕێنماییەکان جێبەجێ ناکەن، ئەوەش زیانی بە ئێمە گەیاندووە."