گه‌ڕان

Shadow Shadow
سیاسه‌تی

ڕاپۆرتێكی ئەمریكی: داعش ڕۆژهەڵاتی ناوڕاست جێدەهێڵێت لە فیلیپین سەرهەڵدەدات

2019.03.10 - 22:25
ڕاپۆرتێكی ئەمریكی: داعش ڕۆژهەڵاتی ناوڕاست جێدەهێڵێت لە فیلیپین سەرهەڵدەدات

 

ناس کورد-

لە ڕاپۆرتێكی ڕۆژنامەی نیۆرك تایمزی ئەمریكیدا هاتوە، ڕێژەی ئەندامانی داعش لە ناوچەكانی ڕۆژهەڵاتی ئاسیا لە هەڵكشاندایە، لە بەرامبەردا لە ڕۆژهەڵاتی ناوڕاست لە کەمبوونەوەدان.

ڕاپۆرتێکی هەواڵی ڕۆژنامەی  نیۆرك تایمزی ئەمریكی باس لە داعش دەکات و دەڵێت: "داعش تەنها گوندێكی بچوكیان لەژێر كۆنتڕۆڵدا ماوە، لە باشوری ڕۆژهەڵاتی سوریا، كە ئەویش لە كاتێكی نزیكدا نامێنێت و لەناودەچن بەیەکجاری، ئەوەش پاش ئەوەی پێشتر ناوچەیەکی زۆریان لە ژێر كونتڕۆڵدابوو".

لە ڕاپۆرتەکەی ڕۆژنامە ئەمریکێکەدا هاتووە: "ئەمە ئەوی ناگەیەنێت بڵێین ڕێكخراوی داعش كۆتایی هاتوە، بەڵكو پەرەی سەندووە و بەرەو دورگەی مینداناو لە باشوری فلیپین كە خۆی پێشتر حەشارگەی گروپە توندڕەوەکان بووە".

لە بەرامبەردا ڕۆدریگۆ دوتێریتی سەرۆكی فیلیپین ئاماژەی بەسەركەوتنەكانی وڵاتەكەی كردووە دژ بەو گروپە توندڕەوانەی لە ناوچەکەدا هەبوون، دەشڵێت: "خەڵكانێك هەن تا ئێستا هەر پەیوەندیی بە گروپە توندڕەوەکانەوە دەكەن وسەر لە نوێ خۆیان كۆدەكەنەوە" .

ڕۆمل بانلاوی سەرۆكی پەیمانگای فلیپین بۆ ئاشتی ئاماژەی بەوەکردووە: "داعش داهاتی دارایی گەورەی لە بەردەستدایە. بەو داهاتەش خەڵكی نوێ دەكڕێت، دەبێت هەموو تواناكانی فیلیپین بخرێتەگەڕ بۆ كۆتایی پێهێنانیان بە یەكجاری".