گه‌ڕان

Shadow Shadow
سیاسه‌تی

بەپەلە

ڕوونکردنەوەیەک لە قوباد تاڵەبانییەوە لەبارەی داخستنی میدیاکانی نزیک لە لاهور شێخ جەنگی

2021.07.16 - 20:27
App store icon Play store icon Play store icon
ڕوونکردنەوەیەک لە قوباد تاڵەبانییەوە لەبارەی داخستنی میدیاکانی نزیک لە لاهور شێخ جەنگی

ناس کورد- 

قوباد تاڵەبانی، جێگری سەرۆکی حکومەتی هەرێم ڕایگەیاند، رەوشی ئازادی وتن و رۆژنامەگەریی لە سلێمانی مەترسیی لەسەر نابێت و دەشڵێت، لەسەر ئەو بنەمایەی ھەندێک کەناڵ و پەیجی دیاریکراو داخراون، کارمەندەکانیان نە نانبڕاو دەبن و نە دووچاری دەرکردن دەبن.

کەناڵی ناس کورد لە تێلیگرام جۆین بکە   

 

ئێوارەی ئەمڕۆ ھەینی ١٦ی تەموزی ٢٠٢١، تیمێک بە نوێنەرایەتیی لقی سلێمانیی سەندیکای رۆژنامەنووسانی کوردستان و سەنتەری میترۆ و رۆژنامەی ھاووڵاتی، سەردانی قوباد تاڵەبانی، جێگری سەرۆکی حکومەتی ھەرێمی کوردستانیان کرد.

 

بەگوێرەی ڕاگەیەنراوێکی کۆبوونەوەکە، مەبەستی سەردانەکە بۆ گفتوکۆکردن بوو لە رەوشی رۆژنامەگەریی و ئازادی وتن و بڵاوکردنەوە.

 

ئاماژە بەوەشکراوە، قوباد تاڵەبانی دڵنیایی تەواوی دا بە نوێنەرانی سەندیکا و میترۆ و ھاووڵاتی، بە ھیچ شێوەیەک مەترسی لەسەر رەوشی ئازادیی رۆژنامەگەریی لە سلێمانی دروست نابێت وھیچ رۆژنامەنووسێکیش دووچاری لێپرسینەوە نابێت.

 

ئەوەشی خستووەتەڕوو، لەسەر ئەو بنەمایەی ھەندێک کەناڵ و پەیجی دیاریکراو داخراون، کارمەندەکانیان نە نانبڕاو دەبن و نە دووچاری دەرکردن دەبن.

May be an image of 4 people, people standing and indoor

 

May be an image of 4 people, people sitting and indoor

 

لەدوای گرژییە ناوخۆییەکانی نێوان بافڵ تاڵەبانی و لاهور شێخ جەنگی، چەند میدیایەکی نزیک لە لاهور شێخ جەنگی داخران و کەناڵی (Iplus)یش کە هێشتا دەستی بە پەخش نەکردبوو لە لاهور شێخ جەنگی سەندرایەوە و کرا بە بینای کەناڵی ئاسمانیی گەلی کوردستان.