گه‌ڕان

Shadow Shadow
سیاسه‌تی

وردەکاریى

لاهور شێخ جەنگى: داوایان لێکردم وڵات جێبهێڵم..بەکۆنگرە نەبێت پۆستەکەم جێناهێڵم

2021.07.15 - 14:37
App store icon Play store icon Play store icon
لاهور شێخ جەنگى: داوایان لێکردم وڵات جێبهێڵم..بەکۆنگرە نەبێت پۆستەکەم جێناهێڵم

ناس کورد- 

لاهور شێخ جەنگى جەختیکردەوە تەنها کۆنگرە دەتوانێت پۆستى هاوسەرۆکى لێوەربگرێتەوە، لەدواى سەرهەڵدانى کێشەکانى ئەم دواییەش داواى لێکراوە هەرێم جێبهێڵێت.

 

کەناڵی ناس کورد لە تێلیگرام جۆین بکە   

 

ئەو قسانەى لاهور شێخ جەنگى ئەمڕۆ پێنج شەممە لەکۆبووەیەکدا هات لەگەڵ بەشێک لەلایەنگرانى کە  کەمێک لەمەوبەر لەهۆتێل لالەزار لە نزیک شوێنى مانەوەى خۆى سلێمانى دەستیپێکرد و تا ئێستاش بەردەوامە.

 

بەشداربوویەکى کۆبوونەوەکە بە "ناس کورد" ى راگەیاند، لاهور جەنگى باسى لەوەکردووە، دواى ئەوەى ئەمڕۆ تۆمەتیان داوەتەپاڵ، ناچارە ئەمشەو دواى پێنج رۆژ بێدەنگى پەیامێک بڵاوبکاتەوە، چونکە ئەگەر ئەوە نەکات رەنگە سبەینێ فەرمانى دەستگیرکردنى بۆ دەربکرێت، جەختیشیکردەوە لەسەر دەستى ئەو ئینشیقاق لەناو یەکێتیدا روونادات.

 

لاهور شێخ جەنگى باسى لەوەشکردووە، ماوەیەکە ئەردۆغان لەرێگەى بەرپرسانى هەرێم و عێراقەوە پەیامى بۆ دەنێرێت کە لێی قبوڵ ناکات، ئەویش وتویەتى ئەوەى لە رۆژئاواى کوردویەتى شانازى پێوەدەکات "بەڵام بۆ پەکەکە پێم وتوون من هاوکاریم نەکردون، بەڵام ناشتوانم رێگریان لێبکەم".

 

دەشڵێت، خەمیس خەنجەر پێیوتووە ئەردۆغان وتویەتى لاهور کۆتایی هاتووە، "منیش پێموت چى دەکەن ساروخم تێدەگرێت، ئەگەر وایە با ساروخەکە کەمێک گەورە بێت بۆ ئەوەى ئازارەکەى کەم بێت".

 

لەبارەى گۆڕانکاریی پۆستەکانەوە کە کێشەى لێکەوتووەتەوە، بەوتەى بەشداربووى کۆبوونەوەکە لاهور جەنگى وتویەتى "یەکەمجار وتیان گۆڕانکاریی حکومى دواى داواملێکرا وڵات بەجێبێڵم، ئێستاش پێکەنینم بەو داوایە دێت".

 

دەشڵێت "کاک مەسعود دوو ھەفتە پێش ئێستا بەکۆمەڵێک ڕیش سپی گوتوە کە لاھور تەنھا ھەفتەیەکی ماوەو کۆتایی دێت".

 

بەپێی چەند گرتەیەکى ڤیدیۆیی "ناس کورد" لەکۆبوونەوەکەدا دەردەکەوێت کە ئامادەبووانى کۆبوونەوەکە هوتاف بۆ لاهور شێخ جەنگى دەکێشن.

 

هەروەها ژنێکى بەشداربووى کۆبوونەوەکە دەڵێت "مامە لاهور و مامە بافڵ ئەگەر دڵى یەکتر بیەشێنن، دڵى ئێمەش دەیەشێنن".

 

لاهور شێخ جەنگى لەکۆبوونەوەکەدا داواى لەکەناڵەکانى راگەیاندن کرد بچنە دەرەوە، بەوپێیەى ئەو کۆبوونەوەیە حزبیە و باسى کێشە ناوخۆییەکانى ناو حزبەکەى تێدا دەکرێت.

 

ئەوە یەکەم دەرکەوتنى لاهور شێخ جەنگییە لەناو لایەنگرانیدا لەدواى سەرهەڵدانى کێشەکانى لەگەڵ بافڵ تاڵەبانى (8 تەمموزی 2021) کە نزیکەى هەفتەیەکە بەردەوامە و لەمیانەیدا لەلایەن بافڵ تاڵەبانی و میدیاكانی یەكێتییەوە تۆمەتباركراوە بە دانانی سیخوڕ لەماڵی تاڵەبانی و دروستكردنی چەندین پەیجی سۆشیال میدیا و بەهەدەردانی دارایی یەكێتی لە دروستكردنی تۆرێك میدیا بۆ بەرژەوەندی شەخسی، ئەمە جگە لەكاری قاچاخچێتی و قۆرغكردنی بازاڕ و بەكارهێنانی دەزگای ئەمنی بۆ دەستوەردان لە كاروباری سیاسی.