گه‌ڕان

Shadow Shadow
سیاسه‌تی

دوو چەکی پارە بۆ مامۆستایان دەکرێت

مامۆستایانی سنوری پەروەردەی سلێمانی مووچەکانیان بە پاشەکەوتەوە پێدەدرێت

2019.03.10 - 20:54
مامۆستایانی سنوری پەروەردەی سلێمانی مووچەکانیان بە پاشەکەوتەوە پێدەدرێت

 

ناس کورد- هەڤاڵ فەتاح

مامۆستایانی سنوری پەروەردەی سلێمانی مووچەکەنیان وەک پێشوو بە پاشەکەوتەوە پێدەدرێت، جێگری سەرۆكی یەكێتی مامۆستایانی كوردستان هۆکارەکەی بۆ ئامادەنەبوونی لیستی مووچە بە بێ باشەکەوت دەگەڕێنێتەوە.

 

عەتا ئەحمەد جێگری سەرۆكی یەكێتی مامۆستایانی كوردستان تایبەت بە ناس كورد-ی ڕاگەیاند: "هۆكاری دابەشنەكردنی مووچەی مامۆستایانی مانگی 12 كە نیازە سبەینێ‌ بدرێت بە پاشەكەوتەوە دەدرێت، لە بەر ئەوەی ژمێریاری بەڕێوبەرایەتی گشتی پەروردەی سلێمانی فریانەكەوتوە لیستی مووچەی مامۆستایان بەبێ‌ پاشەكەوت لە كاتی خۆیدا ئامادە بكات".

 

جێگری سەرۆكی یەكێتی مامۆستایانی كوردستان وتیشی: "پاش چەند ڕۆژێک بڕی پاشەكەوتەكە بۆ ئەم مانگە بە لیستێكی جیاواز دەدرێت".

 

سەرچاوەیەكی ئاگادار لە پەروەردەی سلێمانی بۆ ناس كورد ئاشكرایکرد: "گەنجینەی سلێمانی، دوو چەكی بانکی ئامادە كردووە بۆ مووچەی مانگی 12ی مامۆستایان، یەكەمیان بۆ مووچەیە بە پاشەكەوتەوە، دوومیشان بۆ بڕی ئەو پاشەكەوتەیە و بە لیستێكی جیاواز دابەشدەكرێت لە دوو بۆ سێ‌ ڕۆژی داهاتوودا".