گه‌ڕان

Shadow Shadow
سیاسه‌تی

دوای بەغدا نێچێرڤان بارزانی سەردانی تورکیای کرد

ناس کورد ئامانجی سەردانەکەی نێچیرڤان بۆ تورکیا ئاشکرا دەکات

2019.06.21 - 15:09
App store icon Play store icon Play store icon
ناس کورد ئامانجی سەردانەکەی نێچیرڤان بۆ تورکیا ئاشکرا دەکات

کەناڵی ناس کورد لە تێلیگرام جۆین بکە   

ناس کورد- شەهرام عەزیز   سەرۆکی لیژنەی پەیوەندییەکان و ڕەوەندی کوردستانی لە پەرلەمانی کوردستان، ڕایگەیاند، ئامانجی سەردانەکەی سەرۆکی هەرێم بۆ تورکیا پرسی نەوت و گازە، دەشڵێت: "لێکتێگەیشتن لەنێوان هەولێر و بەغدا هەیە کە هەرێم نەوت بە سەربەخۆ بفرۆشێت تا دانەوەی قەرزەکانی". . دوای ڕۆژێک لە چوونی بۆ بەغدا، ئەمڕۆ هەینی 21ی حوزەیرانی 2019، نێچیرڤان بارزانی، سەرۆکی هەرێمی کوردستان سەردانی تورکیای کرد و بڕیارە لەگەڵ ڕەجەب تەیب ئەردۆغان، سەرۆک کۆماری ئەو وڵاتە کۆبێتەوە. . سەردانەکەی نێچیرڤان یەکەم سەردانی دەرەوەی وڵاتی دەبێت وەک سەرۆکی هەرێم بەڵام پێشتر وەک سەرۆک وەزیرانی حکومەت، چەند جارێک سەردانی تورکیای کردووە و لەگەڵ ئەردۆگان کۆبووەتەوە. .. لەوبارەوە ڕێبوار بابکەیی، سەرۆکی لیژنەی پەیوەندییەکان و ڕەوەندی کوردستانی لە پەرلەمانی کوردستان لە پشکی پارتی بە ناس کوردی ڕاگەیاند: "بێگومان سەردانەکەی دوێنێ بۆ بەغدا و ئەوەی ئەمڕۆش بۆ تورکیا لەلایەن سەرۆکی هەرێمەوە تایبەتە بە دۆسیەی نەوت، چونکە تورکیا لایەنێکی سەرەکییە لە مەلەفی نەوتی هەرێمی کوردستان". . وتیشی، لەئێستادا دۆخی سیاسی ناوچەکە جیاوازە لە ڕابردوو، بەهۆی سزاکانی ئەمریکا بۆسەر ئێران، تورکیا پێویستی زۆری بە نەوتی هەرێمە و پێویستە لەگەڵ هەرێمی کوردستان پەیوەندییەکانی نوێ بکاتەوە و گفتوگۆ لەوبارەیەوە بکەن. . لە سەردانەی نێچیرڤان بۆ بەغدا و کۆبوونەوەی لەگەڵ سەرۆکی پەرلەمانی عێراق، نوسینگەی ڕاگەیاندنی محمەد حەلبوسی سەرۆکی پەرلەمانی ئاشکرای کرد، نێچیرڤان ڕایگەیاندووە ئامادەیە لیژنەکانی پەرلەمان بەدواداچوون بۆ دۆسیەی نەوتی هەرێم بکەن. . بە وتەی ئەو پەرلەمانتارەی پارتی لێکتێگەیشتن لەنێوان هەولێر و بەغدا هەیە کە هەرێم قەرزارە و ناتوانێت نەوت ڕادەست بکات. . ڕێبوار بابکەیی ڕوونیکردەوە، لە ئێستادا لێکتێگەیشتنی باش لە نێوان بەرپرسانی هەرێم و بەغدا هەیە و بەغدا دەزانێت کە هەرێم قەرزدارە و ناتوانێت ڕۆژانە 250 هەزار بەرمیل نەوت ڕادەست بکات و ڕەنگە هاوکاری هەرێم بکات تا قەرزەکانی دەداتەوە. . جەختیشیکردەوە، دۆخی سیاسی ناوچەکەش بەوشێوەیەیە کە تورکیا پێویستی بە نەوتی هەرێمە، بۆیە پێویستە هەمووان بە بەپرسیارێتییەوە مامەڵە لەگەڵ دۆخەکە بکەن، "نەک وەک هەندیک پەرلەمانتاری کورد کە هەوڵی بڕینی بودجەی هەرێم دەدەن." . سەردانەکەی نێچیرڤان بارزانی بۆ تورکیا لەکاتێکدایە، دوێنێ پێنجشەممە سەردانی بەغدای کرد و لەگەڵ هەرسێ سەرۆکی سێ سەرۆکایەتییەکەی عێراق کۆبووەوە. . لە دوای کۆبوونەوەکانیشی لە هەژماری خۆی لە فەیسبووک ڕایگەیاند،ھەرێمی کوردستان ئامادەیە سەرجەم کێشە ھەڵپەسێردراوەکانی لەگەڵ حکومەتی فیدراڵی عێراق بەپێی دەستوور چارەسەر بکات و له‌ هه‌موو بواره‌کاندا هاوکاری و هه‌ماهه‌نگی بکه‌ن. . نەوتی هەرێم کێشە چارەسەر نەکراوەکە . دۆسیەی هەناردەی نەوتی هەرێم، کێشەی بۆ بەغدا و تورکیاش دروستکردووە، بەوپێیەی لە ساڵی 2014 حەیدەر عەبادی سەرۆک وەزیرانی ئەوکات سکاڵای دژی حکومەتی تورکیا تۆمار کردووە و داوای 26 ملیار دۆلار قەرەبوو دەکات. . بەپێی زانیاریی میدیاکان ئێستا عادل عەبدولمەهدی، لەسەر داوای هەرێم سکاڵاکەی ڕاگرتووە، بەڵام هەفتەی پێشوو پەرلەمانی عێراق، بڕیاریدا لیژنەیەک بۆ بەدواداچوون لەسەر ئەو پرسە پێکبهێنێت. . لەگەڵ ئەوەشدا پرسی ناردنی مووچەی فەرمانبەران و دابەش نەکردنی بەسەر موچەخۆراندا ئێستا بووەتە بابەتێکی دیکەی هەناردەی نەوتی هەرێم، ژمارەیەک پەرلەمانتاری کوردیش لەبەغدا کار لەسەر ئەو دۆسیەیە دەکەن و بە نیازن لەڕێگەی بەغداوە فشار لەسەر هەرێم دروستبکەن. .