گه‌ڕان

Shadow Shadow
سیاسه‌تی

لەسەر 200 ملیارەکەی هەرێم داوای لێپێچینەوەی کازمی دەکرێت

2021.07.13 - 17:16
App store icon Play store icon Play store icon
لەسەر 200 ملیارەکەی هەرێم داوای لێپێچینەوەی کازمی دەکرێت

ناس کورد-

قەیس خەزعەلی، ئەمینداری گشتیی بزوتنەوەى عەسائیب داوا لە پەرلەمانتارانی عێراق بەبێ جیاوازی دەکات مستەفا کازمی، سەرۆک وەزیرانی عێراق بخەنە بەر پرساندنی و لێپێچینەوە لەسەر چەند دۆسییەیەک کە یەکێکیان ناردنی 200 ملیار دینارەکەیە بۆ هەرێم.

کەناڵی ناس کورد لە تێلیگرام جۆین بکە   

 

قەیس خەزعەلی لە ڕاگەیەنراوێکدا (13ی تەموزی 2021) داوای کردووە پەرلەمانتاران بەبێ جیاوازی پرساندنی کازمی بکەن لەسەر ئەم دۆسێیانەی خوارەوە؛

 

- زۆربوونی حاڵەتەکانی ئاگرکەوتنەوە لە نەخۆشخانەکان، بە تایبەت دوای ئەوەى شەوی ڕابردوو نەخۆشخانەی حسێن لە زیقار گڕی گرت و بەهۆیەوە 96 توشبووی کۆرۆنا سوتان.

 

- گرانی شتومەک لە بازاڕەکان و بەرزبوونەوەى نرخی دۆلار.

 

- ڕادەستکردنی پارەی گەلی عێراق لەکاتێکدای زۆر پێویستی پێیەتی بە دەسەڵاتدارانی هەرێمی کوردستان بە پێچەوانەى یاسای بودجەى ساڵی 2021، چونکە نابێت پارە بدرێتە هەرێم هەتاوەکو ئەوەى لە ئەستۆیدایە ڕادەستی دەکات.

 

- دۆسیەی کەمی و نەبوونی خزمەتگوزارییەکان بە تایبەت کارەبا.

 

- جێبەجێنەکردنی بڕیاری دەرکردنی هێزەکانی ئەمریکا کە لەلایەن پەرلەمانەوە دەرچووە.

 

لە کۆتاییدا، قەیس خەزعەلی دەڵێت، "ئەگەر حکومەت ئامادە نەبوو یاخود شکستی بەمە هێنا، ئەوە گەل دەبێت قسەى خۆی هەبێت، شۆڕشی برسییەکان بەڕێگاوەیە" و هۆشداری دەدات "لە شۆڕشی هەمموو عێراقییەکان ئەگەر ئەم نەهامەتییانە بەردەوام بێت."