گه‌ڕان

Shadow Shadow
سیاسه‌تی

بەپەلە

ناس هۆکارى سوتانى نەخۆشخانەکەى زیقار ئاشکرادەکات

2021.07.13 - 13:23
App store icon Play store icon Play store icon
ناس هۆکارى سوتانى نەخۆشخانەکەى زیقار ئاشکرادەکات

ناس کورد-

 

بەڕێوەبەرى بەرگرى شارستانى پارێزگاى زیقار رایگەیاند، هۆکارى سوتانى نەخۆشخانەى حسێنى فێرکارى تەقینەوەى سیستەمى غاز بووە.

کەناڵی ناس کورد لە تێلیگرام جۆین بکە   

 

عەقید سەڵاح حەسناوى لەلێدوانێکیدا بۆ "ناس" (13 ى تەموزى 2021) رایگەیاند، هۆکارى سوتانى نەخۆشخانەکە تەقینەوەى سیستەمى غاز بووە، کە بووەتە هۆى دروستبونى ئاگر لە ناوچەکانى دەوروبەرى کە دواتر سەرجەم بەشەکانى نەخۆشخانەکەى گرتووەتەوە.

 

شەوی ڕابردوو ئاگر له‌ نه‌خۆشخانه‌یه‌كی تایبه‌ت به‌ توشبوانی كۆرۆنا له‌پارێزگای زیقار لەباشوری عێراق كه‌وته‌وه‌ و بەهۆیەوە دەیان کەس گیانیان لەدەستدا و بریندار بوون.

  

دوای رووداوەکە مستەفا کازمی، سەرۆک وەزیرانی عێراق، بەپەلە گەیشتە پارێزگاکە و فەرمانی کرد بە دورخستنەوە و ڕاگرتنی هەر یەکە لە بەڕێوەبەری تەندروستی و بەڕێوەبەری بەرگریی شارستانی و بەڕێوەبەری نەخۆشخانەی فێرکاری پارێزگاکە.  

 

عەمار زاملی، وتەبێژی تەندروستیی پارێزگای زیقار (13ی تەموزی 2021) لە لێدوانێکدا بۆ "ناس کورد" ڕایگەیاند "تیمەکانی بەرگریی شارستانی لەشەوی رابردووەوە بەردەوامن لەگەڕان و پشکنین بۆ تەرمی قوربانیانی ڕووداوی ئاگرکەوتنەوەکەی نەخۆشخانەی ئیمام حسێن، چونکە بەشێک لە تەرمەکان تائێستا لەژێر دار و پەردووی نەخۆشخانەکەدان".  

  

وتیشى "بەگوێرەی دوایین ئامار، تائێستا 114کەس لە رووداوەکەدا بوون بە قوربانی، 64 کەس گیانیان لەدەستداوە و 50 کەسی دیکەش بریندار بوون و برینی بەشێکیان سەختە".  

  

وتەبێژەکەی تەندروستیی زیقار رونیکردەوە، تائێستا ژمارەیەک کەس لەرووداوەکەدا بێ سەر و شوێنن و 22 تەرمیش بەتەواوەتی سوتاون و نەتوانراوە بناسرێنەوە".