گه‌ڕان

Shadow Shadow
سیاسه‌تی

ڤیدیۆ.. باڵندەیەک تەنها هێرشدەکاتە سەر کوڕان واز لە کچان دەهێنێت

2021.07.08 - 18:40
App store icon Play store icon Play store icon
ڤیدیۆ.. باڵندەیەک تەنها هێرشدەکاتە سەر کوڕان واز لە کچان دەهێنێت

ناس کورد-

 

باڵندەکان یەکێکن لە جوانترین بونەوەرەکانى ئەم سەر زەمینە، هەندێک لە مرۆڤەکان بەخێویان دەکەن ئەوەش لەبەر جوانییەکەیان یاخود لەبەر دەنگە خۆشەکەیان، باڵندەکانیش جیاوازى لە نێوان مرۆڤەکاندا ناکەن، تەنها ئەم باڵندە چینییە نەبێت.

کەناڵی ناس کورد لە تێلیگرام جۆین بکە   

 

ڕۆژنامەى ساوس چاینا مۆڕنینگ پۆست (8ى تەموزى 2021) بڵاویکردووەتەوە، باڵندەیەکى ڕەش کە ماوەى 5 ساڵە لە حەوشەى زانکۆیەکى چینى دەژى، هێرش دەکاتە سەر هەر کەسێک بە تەنیشت دارەکاندا بڕوات، بەڵام تەنها کوڕەکان و هێرشناکاتە سەر کچان.

 

ئەوەش هاتووە، باڵندەکە هێرش دەکات سەر ناوچەى سەری کوڕەکان و دەیەوێت ئازاریان بدات، بەڵام خۆیانى لێ لادەدەن، باڵندەکە لە وەرزەکانى بەهار و هاویندا دەردەکەوێت لەسەر چەند دارێکى ناو زانکۆکە دەژى و دەسەڵاتدرانى زانکۆکە هێماى ئاگادارییان بۆ ئەو کەسانە داناوە کە نزیک ئەو دارانە دەبنەوە.

ڕۆژنامەکە ئاماژەى بەوەشداوە، لە یەکێک لە هۆشدارییەکاندا نوسراوە "هۆشداربە لەو باڵندەیەى لەم شوێنەدا هەیە و ئیستفزازى مەکە و ڕیگەیەکى تر هەڵبژێرە".

 

یەکێک لە خوێندکارانى زانکۆکە بە ڕۆژنامەکەى وتووە، چەند لێکدانەوەیەک هەیە بۆ ئەوەى کە ئەو باڵندەیە تەنها هێرش دەکاتە سەر پیاوان، هەندێک دەڵێن یەکێک لە خوێندکارە کوڕەکان جارێکیان دەستى بۆ ئەو لانەیە بردووە کە دروستى کردووە، ئەوەش هۆکارى ئەوەیە باڵندەکە تەنها هێرش دەکاتە سەر کوڕەکان و واز لە کچەکان دەهێنێت.