گه‌ڕان

Shadow Shadow
سیاسه‌تی

رۆیتەرز: دەنگی تەقینەوە لە دوبەی دەبیسترێت

2021.07.07 - 23:06
App store icon Play store icon Play store icon
رۆیتەرز: دەنگی تەقینەوە لە دوبەی دەبیسترێت

ناس کورد-

ئاژانسى رۆیتەرز بڵاویکردەوە، دەنگى تەقینەوەى گەورە لە دوبەى بیستراوە، بەڵام هێشتا دەسەڵاتداران هیچ رونکردنەوەیەکیان لەو بارەیەوە نەداوە.

کەناڵی ناس کورد لە تێلیگرام جۆین بکە   

 

بەپێی چەند وێنە و ڤیدیۆیەک کە لە تویتەر بڵاوکراونەتەوە، ئاگرێکى گەورە دەردەکەوێت، بەڵام هێشتا نازانرێت سروشتى تەقینەوەکە چۆنە و هۆکارەکەى چى بووە.

 

لاى خۆیانەوە سەرچاوەکانى هەواڵى ئیمارات بڵاویانکردووەتەوە، تەقینەوەکە لەناو کەشتییەکى لەنگەر گرتوو بووە لە بەندەرى "جبل علی" و لە نزیک کۆگاکانى سوتەمەنى و بەهۆیەوە گەشتییەکى بازرگانى گڕیگرتووە، تائێستاش هۆکارەکەى نازانرێت.

 

لەلایەکى ترەوە، حکومەتى ناوخۆیى دوبەى بڵاویکردووەتەوە، تەقینەوەکە بەهۆى یەکێک لە حاویەکانى سەر کەشتییەکى بەندەرەکەوە بووە و تیمەکانى چالاکى مەدەنى دەستیان کردووە بە کوژانەوەى ئاگرەکە.

 

هەروەها ئاژانسى ئەسۆشیەیتد پرێسى ئەمریکى لە زارى شایەتحاڵەکانەوە بڵاویکردووەتەوە، تەقینەوە زۆر گەورە بووە و خانوو و تەلارەکانى ناوچەکە لەریونەتەوە، تائێستا هۆکارەکەى نادیارە، لەلایەکى ترەوە ڕۆیتەرز جەختیلەوەکردووەتەوە، تائێستا دەنگۆى گیان لەدەستدان و بریندار بوونى کەس نییە.

 

ImageImage