گه‌ڕان

Shadow Shadow
سیاسه‌تی

’’بەرژەوەندی هاوبەشیان هەیە’’

سەرکردەیەکى حەشد لەبارەى هێرشە موشەکییەکانەوە: ئەمەریکا و ئێران درۆ دەکەن

2021.07.07 - 18:51
App store icon Play store icon Play store icon
سەرکردەیەکى حەشد لەبارەى هێرشە موشەکییەکانەوە: ئەمەریکا و ئێران درۆ دەکەن

ناس کورد-

 

سەرکردەیەکی حەشدی هۆزەکانی سەربەدەستەی حەشدی شەعبی، سەرکۆنەی هێرشە موشەکییەکی سەربنکەی سەربازیی عەین ئەسەدی کرد و ڕایگەیاند، ئەمەریکا و ئێران "هەردووکیان  درۆدەکەن و هاوڵاتی عێراقی دەکرێتە قوربانی".

کەناڵی ناس کورد لە تێلیگرام جۆین بکە   

 

قوتری سمەرمەد (7ی تەموزی 2021) لەلێدوانێکیدا بۆ"ناس" ڕایگەیاند، بەهۆی بەردەوامبوونی هێرشکردنە سەربنکەی عەین ئەسەد، بەشی هەر زۆری دانیشتوانی ناحییەی بەغدادی دوچارى ئاواربوون بوونەتەوە.

 

وتیشی "ئەو هێرشانە، منداڵان و خەڵکی سیڤیلییان کردووەتە ئامانج، کردە تیرۆرستییەکان بەشێوەیەکی هەرەمەکی دەکرێن، ئەو لایەنەی کە دەیەوێت  هێرشبکات، لەناو گەڕەکەکان  ناوچە جێنشینەکانەوە ئەوکارە دەکات کە ئەوەش وایکردووە خەڵکی بێتاوان توشی زیانی مادیی و گیانی ببنەوە".

سەرکردەکەی حەشدی هۆزەکان، بەتوندی سەرکۆنەی هێرشە موشەکییەکانی سەرناوچەکە کرد وتی  "ئێمە بەباشی دەزانیین ئەمەریکا و ئێران درۆدەکەن و بەرژەوەندی هاوبەشیان هەیە، ئەوەشی دەیکەن تەنها بۆ نمایشى چەواشەکارییە، تەنها هاوڵاتیی عێراقی باجەکەی دەدات و بووەتە قوربانی ئەو ململانێیە".

 

سمەرمەد، داواشی لەسوپای عێراق کردووە ئەو گروپانەی کە ئەو جۆرە کارە دەکەن بە زووترین کات دەستگیربکات.

 

ئەمڕۆ( چوارشەممە 7ی تەموزی 2021) بنکەی سەربازیی عەین ئەسەد لە پارێزگای ئەنبار لەخۆرئاوای عێراق بەژمارەیەک موشەک کرایە ئامانج و موشەکەکانیش لەدەوروبەری ناحییەی بەغدادی کە دەکەوێتە نزیک ئەو  بنکە سەربازییەوە ئاڕاستەکران.