گه‌ڕان

Shadow Shadow
سیاسه‌تی

وردەکاریى

بەڕێوەبەرى گشتى ئاوى هەرێم زانیارى نوێ لەسەر کێشەى کەم ئاوى خستە ڕوو

2021.07.05 - 15:27
App store icon Play store icon Play store icon
بەڕێوەبەرى گشتى ئاوى هەرێم زانیارى نوێ لەسەر کێشەى کەم ئاوى خستە ڕوو

ناس کورد- 

بەڕێوەبەرى گشتى ئاوى هەرێم ڕایگەیاند، وشکەساڵى کاریگەرى لەسەر بیرەکان دروست کردووە و ژمارەیەک بیر وشکیان کردووە و داواى 30 ملیار دیناریان بۆ چارەسەرى کێشەکە لە حکومەت کردووە.

 

کەناڵی ناس کورد لە تێلیگرام جۆین بکە   

 

ئارى ئەحمەد، بەڕێوەبەرى گشتى ئاوى هەرێم (5ى تەموزى 2021) لەمیانەى کۆنگرەیەکى ڕۆژنامەوانیدا ڕایگەیاند، بەهۆى وەرزى وشکە ساڵیەوە کانیاو و بیرى ئاوى ناوچە شاخاوییەکانیش کەم و وشکیان کردووە لەزۆربەى ناوچەکانى کوردستاندا.

 

ئاماژەى بۆ ئەوەش کرد، داواى دابینکردنى 30 ملیار دیناریان  بۆ چارەسەرکردنى ئەو گرفتانە کردووە بەڵام تائێستا حکومەت 2 ملیار دینارى بۆ ئەو مەبەستە تەرخان کردووە و ئەوانیش وەکو بەڕێوەبەرایەتیەکان بۆ چارەسەرکردنى دۆخەکە بەکارى دەهێنن.

 

ئارى ئەحمەد داواشى لەهاوڵاتیان کرد زیاتر ڕەچاوى دۆخى کەم ئاوى بکەن و دەستى پێوە بگرن بەتایبەت بەستنى تەوافە بۆ تانکیەکانیان و هەروەها جۆرى ئاودانى باخ و باخچەکان و ڕێک بخرێنەوە.

 

بەڕێوەبەرى گشتى ئاوى هەرێم ئەوەشى خستە ڕوو، ڕۆژانە نزیکەى 2 ملیۆن و 250 هەزار مەتر سێجا ئاو بۆ هەرێم دابین دەکرێت لەڕێگەى 5 هەزار و 700 بیر و 91 پڕۆژەى بچوک و گەورەى ئاوەوە.

 

ئارى ئەحمەد دەشڵێت، نزیکەى 35 بیر لەشارى هەولێر ئاویان تێدا نەماوە و تا کۆتایى وەرزەکەش 10 بۆ 15 بیرى تر ئاویان تێدا نامێنیت.

 

بەڕێوەبەرى ئاوى هەرێم ئەوەشى ڕوونکردەوە، بەتانکەر بۆ بەشێک لەگەڕەکەکانى شارى هەولێر کە پێویستیان بەئاوە دابەش دەکرێت.