گه‌ڕان

Shadow Shadow
سیاسه‌تی

وینەی دەستگیرکراوەکان ببینە

دادگایی كردنی بەشێكی دیكە لە دەستگیرکراوانی بادینان بەڕێوەدەچێت

2021.07.05 - 09:36
App store icon Play store icon Play store icon
دادگایی كردنی بەشێكی دیكە لە دەستگیرکراوانی بادینان بەڕێوەدەچێت

 

ناس کورد-

بڕیارە ئەمڕۆ دادگایی کردنی پێنج دەستگیرکراوی دیکەی بادینان بەڕێوەبچێت و بەوتەی کەسوکاری ئەو دەستگیرکراوانە، دادگایی کردنی ئەو پێنج کەسە بەتۆمەتی تێکدانی ئاسایشی گشتی و سیخوڕیکردن بۆ ئەمەریکا و بەڕیتانیا و سەرۆک کۆمار و سەرۆک وەزیرانی عێراقە، بەڵام هێشتا ئەوە یەکلایی نەبووەتەوە.

کەناڵی ناس کورد لە تێلیگرام جۆین بکە   

 

حەمدی بەرواری، یەکێک لە پارێزەرانی ئەو دەستگیرکراوانە (دووشەممە 5ی تەموزی 2021) بە "ناس کورد"ی ڕاگەیاندووە، "بڕیارە ئەمڕۆ دادگایی کردنی پێنج دەستگیرکراوی بادینان لە هەولێر بەڕێوەبچێت.

 

وتیشی، ئەمە ئەو پێنج کەسەن کە بڕیارە دادگایی بکرێن:

 

بەگوێرەی ڕاگەیەنراوێکی کەسوکارییان، ئەو دەستگیرکراوانە بەتۆمەتی تێکدانی  ئاسایشی گشتی و هاوکاری و سیخوڕی کردن بۆ ئەمریكا، بریتانیا، مستەفا كازمی، د،بەرهەم سالح) دادگایی دەکرێن.

 

حەمدی بەرواری ئەوەی پشتڕاست نەکردووە و ڕایگەیاند، ڕاستە تاڕادەیەک بەهەمان تۆمەتی دەستگیرکراوانی پێشوو دادگایی دەکرێن، بەڵام هێشتا بەدیاریکراوی نازانن چی لە دۆسییەکەیاندا هاتووە.

 

کەسوکاری ئەو دەستگیرکراوانە دەشڵێن، "ھیواخوازین کەسانی خەمخۆری ئەم گەله بەشداری بەرچاویان ھەبێت، هیوا خوازین به ته نیا به جێمان نەهێڵن كەسوكارمان لەسەر داوای مافی گشتی دەستگیرکراون".

 

لە پیشووتردا، دادگایی کەتنی هەولێر پێنج دەسگیرکراوی دیکەی دادگایی کرد و سزای شەش ساڵ زانیدانکردنی بەسەردا سەپاندن، ئەگەرچی دووجار ڕەوانەی دادگایی پێداچوونەوە کرایەوە بۆ پێداچوونەوە بە سزاکەدا، بەڵام لە هەردوو جارەکەدا دادگای پێداچوونەوە سزاکەی پەسەند کرد.