گه‌ڕان

Shadow Shadow
سیاسه‌تی

 بۆچى ژمارە 56 ناگرێتەوە؟

کۆمسیۆن تیروپشک بۆ کاندیدەکان دەکات

2021.07.04 - 22:55
App store icon Play store icon Play store icon
کۆمسیۆن تیروپشک بۆ کاندیدەکان دەکات

ناس کورد-

 

کۆمسیۆنى باڵاى سەربەخۆى هەڵبژاردنەکانى عێراق لەچەند رۆژى داهاتوودا تیروپشک بۆ ناوى کاندیدەکان دەکات، تا ژمارەیان پێبدات جگە لە ژمارە 56 کە تیروپشکەکە نایگرێتەوە.

کەناڵی ناس کورد لە تێلیگرام جۆین بکە   

 

جومانە غەلاى وتەبێژى کۆمسیۆن ئەمڕۆ یەکشەممە بە تەلەفزیۆنى فەرمى عێراقى راگەیاند، لەکۆتایی کارەکانى تایبەت بە پەسەندکردنى ناوى کاندیدەکاندان، لەچەند رۆژى کەمى داهاتووشدا تیروپشک بۆ کاندیدەکان دەکرێت.

 

وتیشى "دواى تیروپشک هیچ کاندیدێک ناتوانێت بکشێتەوە یان گۆڕانکاریی لە لیستەکەیدا بکات".

 

وتەبێژى کۆمسیۆن باسى لەوەشکرد، لە تیروپشکەکەدا ژمارە 56 نادرێت بەهیچ کاندیدێک، لەبەرئەوەى دوو ژمارەى کۆتایی ماددەى 456 ى یاساى سزادانى عێراقییە کە تایبەتە بە دزى و فروفێڵ.

 

دەشڵێت، بۆ ئەوەى ئەو ژمارەیە کاریگەرى خراپ لەسەر بانگەشەى هەڵبژاردنى کاندیدەکان دروستنەکات، ئەو ژمارەیەیان لە تیروپشک دەرکردووە.

 

بەپێی ئامارەکانى کۆمسیۆن، 44 هاوپەیمانى و 267 حزب ڕەزامەندیان لەسەر دراوە بۆ بەشداریکردنیان لەهەڵبژاردن، سەربارى ژمارەى کاندیدەکان کە دەگاتە زیاتر لە 3 هەزار و 500 کاندید کە لەناویاندا 887 کاندیدى سەربەخۆ هەن، هەروەها زیاتر لە 900 کاندیدیش لەناو کۆتاکانى ژناندان لەهەموو بازنەکاندا.