گه‌ڕان

Shadow Shadow
سیاسه‌تی

وەڵامێکى توند لە یەکێتى یەوە بۆ عارف تەیفور: قەرزار دەبیت تێیدا

2021.07.04 - 16:34
App store icon Play store icon Play store icon
وەڵامێکى توند لە یەکێتى یەوە بۆ عارف تەیفور: قەرزار دەبیت تێیدا

ناس کورد-

 

یەکێتى نیشتیمانى کوردستان وەڵامى عارف تەیفور ئەندامى مەکتەبی سیاسی پارتى دایەوە کە رایگەیاندبوو بەمزووانە چەندان کەسایەتی و ’’حزبی بچوک’’ لە سلێمانی دەچنە ناو پارتییەوە.

کەناڵی ناس کورد لە تێلیگرام جۆین بکە   

 

رۆژنامەى "کوردستانى نوێ" ى ئۆرگانى فەرمى یەکێتى ئەمڕۆ یەکشەممە لەوەڵامێکدا بۆ عارف تەیفور نوسیویەتى  "ئەم دیاردەی سەنگەر گواستنەوە و راکەڕاکەیە بەشوێن پارە و پلە و پۆستدا مێژووەکەی زۆر لەوە دوورترە کە ئەو بە زانیارییەکی نەبیستراو و نهێنی بە ئێمە و خوێنەری بفرۆشێتەوە".

 

ئاماژە بەوەشکراوە "بێگومان لەو مێژووەشدا کە باسی دەکەین، زۆرمان بینی و دەیبینین کە پێیوایە یان «عارف» و «نا عارف»ەکانیش چەواشە دەکات بەوەی ئەگەر ئەو لە یەکێتی بکشێتەوە، یەکێتی گورگ دەیخوات و کەسی بە دەورەوە نامێنێت".

 "ئەنجامی هەموو ئەوانەمان لە چەند ساڵی رابردوودا بینی کە ئەرکە پێسپێردراوەکەیان لەناو یەکێتی تەواوبوو و دوای (رجوع الفرع الی الاصل) دەرکەوت بەشێکیان پاسەوان و خزمە نزیکەکانیشیان لەگەڵیاندا ناڕۆن".

 

لەوەڵامەکەدا هاتووە "دیارە ئەو حزبە بچووکانەش کە پێشتر حزبەکەی عارف تەیفور دروستیان دەکات و ئەو باسیان دەکات، بەهەمان شێوە تەنها ناوی زل و دێی وێرانن".

 

هەروەها تێیدا هاتووە "زۆربەی ئەوانەی کە لە یەکێتی زوویرن لەسەر ئەوەیە دەسەڵاتەکانی هەولێر شۆڕناکرێتەوە بۆ پارێزگا و یەکە ئیدارییە سەربەخۆکان، ئەگەرنا با عارف تەیفور و هاوئاوازەکانی بگەڕێنەوە بۆ جیاوازییەکانی دوو زۆنەکە بەر لە یەکگرتنەوەی ئیدارەکانی پێشووی سلێمانی و هەولێر!".

 

"ئەگەر ئەو بەنیازە ناوەکان ئاشکرا بکات، سەرپشکە، بەڵام ناوهێنان، ناوهێنانی بەشوێندا دێت و کاک عارف تێیدا قەرزار دەبێت"، بەپێی وەڵامەکە.