گه‌ڕان

Shadow Shadow
سیاسه‌تی

پەروەردەی هەرێم پێشنیازێکی لەبارەى خوێندنی ساڵی داهاتوو ئاشکرا کرد

2021.07.03 - 11:07
App store icon Play store icon Play store icon
پەروەردەی هەرێم پێشنیازێکی لەبارەى خوێندنی ساڵی داهاتوو ئاشکرا کرد

ناس کورد-

ئالان حەمە سەعید، وەزیری پەروەردەی هەرێم ئاشکرای کرد، پێشنیازیان کردووە بۆ ئەنجومەنی وەزیران تاوەکو بتوانن خوێندنی ساڵی داهاتوو پێش بخرێت و لە مانگی ئەیلولەوە (9) دەستپێ بکات.

کەناڵی ناس کورد لە تێلیگرام جۆین بکە   

 

ئالان حەمە سەعید لە کۆنگرەیەکی ڕۆژنامەوانیدا کە پەیامنێری ناس کورد ئامادەی بوو (3ی تەموزی 2021) ئاشکرای کرد، هەر پێشخستنێکی پرۆسەی خوێندنی پێویستی بە ڕەزامەندی ئەنجومەنی وەزیرانی هەیە، "ئێمە پێشنیازمان کردووە زووتر دەوامی خوێندنگاکان دەستپێ بکات بەگوێرەی قۆناغبەندی، بۆئەوەى ماوەیەک دابنرێت بۆ قەرەبووکردنەوەى قوتابیان و خوێندکاران."

 

"پێشنیارمان کردووە لە یەکی ئەیلول دەرگای قوتابخانەکان بکرێنەوە بۆ قۆناغی یەک تا شەش، پاشان لە 11ی ئەیلولی بۆ قۆناغی حەوت تا نۆ، پاشان لە 16ی نۆ بۆ قۆناغی 10 تاوەکو 12"، وەزیری پەروەردەی هەرێم وای وت.

 

جەختی کردەوە کە "دەمانەوێت ساڵێکی ئاسایی دەستپێ بکەین و مەبەستمانە کە قەرەبووی خوێندکاران و قوتابیان بکەینەوە."