گه‌ڕان

Shadow Shadow
سیاسه‌تی

لەبارەی تۆمارکردنی سکاڵا لەسەر 70 کەس لەلایەن بەڕێوەبەرێکەوە ڕوونکردنەوە دەدرێت

2021.07.01 - 18:15
App store icon Play store icon Play store icon
لەبارەی تۆمارکردنی سکاڵا لەسەر 70 کەس لەلایەن بەڕێوەبەرێکەوە ڕوونکردنەوە دەدرێت

ناس کورد-

بەوتەی سەنتەری میترۆ بەڕێوەبەری تەندروستیی دەربەندیخان لەسەر ڕەخنەگرتن و نوسین سکاڵای لەسەر نزیکەی 70 کەس تۆمارکردووە و جێگرەکەشی دەڵێت، ئەو پرسە کێشەیەکی شەخسییە و پێشی وتووە کە سکاڵای لەسەر 26 کەس تۆمارکردووە نەک 70 کەس.

کەناڵی ناس کورد لە تێلیگرام جۆین بکە   

 

سەنتەری میترۆ بۆ داکۆکی کردن لە مافی ڕۆژنامەنوسان و چالاکوانان (پێجشەممە 1ی تەموزی 2021) ڕایگەیاند، لەسەر کۆمێنت نوسین، بەڕێوەبەری تەندروستیی دەربەندیخان سکاڵای لەسەر 70 کەس تۆمارکردووە و ڕووبەڕووی دادگایان دەکاتەوە.

 

لەبارەی کێشەکەوە، سەعید محەمەد، جێگری بەڕێوەبەری تەندروستیی دەربەندیخان بە "ناس کورد"ی وت، "ڕاستە کێشەکە پەیوەندی بە بەڕێوەبەرایەتی تەندروستیی دەربەندیخانەوە هەیە، بەڵام لەڕاستیدا کێشەکە کێشەیەکی شەخسییە و زیاتر پەیوەندی بە د. سازان خۆیەوە هەیە."

 

وتیشی، "ئەوەندەی من ئاگادارم و قسەم لەگەڵ کردووە، ئەو بە منی وتووە کە سکاڵای لەسەر 26 کەس تۆمارکردووە، نەک 70 کەس."

 

ڕۆژی 19ی ئایاری رابردوو كۆمەڵێك رۆژنامەنوس و چالاكوانی مەدەنی چوونە بەردەم قائیمقامییەتی قەزای دەربەندیخان (66 كم باشوری رۆژهەڵاتی سلێمانی)، بە مەبەستی خستنەرووی داخوازیییان بۆ پێشخستنی كەرتی تەندروستی لە شارەكەیان. 

 

فەرمان عبدالرحمان حاجی چالاكوانی مەدەنی رێكخەری چالاكییەكە، لە 28ی حوزەیران پسولەی ئاگاداركردنەوەی پێگەیشتووە، داوای لێكراوە وەك "تۆمەتبار بە پێ مادەی 2ی مۆبایل لە هۆبەی لێكۆڵینەوە ئامادە بێت" 

 

فەرمان بە میترۆی وتووە،" ئێمە چووین بۆ دەڕبرینی نارەزایەتی لەسەر گواستنەوەی پزیشكی پسپۆری شارەكەمان بۆ سەیدساق، ئەمە داخوازییەكی رەوایە چونكە ئەو یەك پسپۆرمان لەم بوارە هەیە كە كەمە" جەختیكردەوە " دوای ئەوە لێشاوێك لە رەخنە لە تۆرە كۆمەڵایەتییەكان نوسراوە خەڵك مافی خۆیەتی بەبێ تەشهیركردن رەخنەو داخوازی خۆی بخاتە روو" 

 

بەهۆی نوسین و كۆمێنتی ژمارەیەك لە چالاكوان لە تۆڕە كۆمەڵایەتییەكان، بەرێوەبەری تەندروستی دەربەندیخان سكاڵای یاسایی دژ بە خاوەنی ئەو نوسین و كۆمێنتانە تۆمار كرد.