گه‌ڕان

Shadow Shadow
سیاسه‌تی

وردەکاریى

وەزیرى شارەوانى ڕێکارەکانى پێدانى زەوى بە کەسوکارى شەهیدان دیارى کرد

2021.07.01 - 13:45
App store icon Play store icon Play store icon
وەزیرى شارەوانى ڕێکارەکانى پێدانى زەوى بە کەسوکارى شەهیدان دیارى کرد

ناس کورد-

وەزیرى شارەوانى و گەشتوگوزارى حکومەتى هەرێمى کوردستان ئامادەکارییەکانى وەزارەتەکەى بۆ دابەشکردنى زەوى بەسەر کەسوکارى شەهیدان خستەڕو و ئاماژەى بەوە کرد کە بۆ پێدانى لیستى کەسوکارى شەهیدان نوسراویان ئاراستەى وەزارەتى شەهیدان کردووە.

 

کەناڵی ناس کورد لە تێلیگرام جۆین بکە   

 

ساسان عەونى (1ى تەمووزى 2021) لە لێدوانێکى بۆ میدیاى سەرۆکى حکومەت رایگەیاند "لە مانگی 12ی ساڵی رابردوو نووسراوێکمان ئاراستەی سەرۆکایەتی دیوانی ئەنجومەنی وەزیران کرد، بۆ ئەوەی رێنماییمان پێ بدەن کە بە چ ئاراستەیەک کار لەسەر دابەشکردنی زەوی بەسەر کەسوکاری شەهیدان بکەین".

 

وتیشى "چەند رۆژێک پێش ئێستا وەڵامیان داینەوە، کە هەماهەنگی لەگەڵ وەزارەتی شەهیدان و ئەنفالکراوان بکەین. نووسراوی فەرمیمان ئاراستەی وەزارەتی شەهیدان کردووە، بۆ ئەوەی بە یەکەوە دابنیشین بۆ جێبەجێکردنی ئەو کارانەی پێویستە بیکەین".

 

وەزیرى شارەوانى رونیکردەوە، ئەوەی لەسەر وەزارەتی شارەوانی و گەشتوگوزار پێویستە تەنها دابینکردنی ژمارە و رووبەری زەوییە، ئێمە مامەڵە لەگەڵ ئەو لیستانە دەکەین، کە لەلایەن وەزارەتی شەهیدانەوە دەدرێتە سەرۆکایەتی یەنجومەنی وەزیران، لەوێوە بە فەرمی پەسندی دەکات، ئەوکات ئێمە دەتوانین جێبەجێی بکەین.