گه‌ڕان

Shadow Shadow
سیاسه‌تی

بۆچى پەرلەمانتاران چەپڵەیان بۆ لێدا؟

وەزیرى سامانە سروشتییەکان: بەقورئان هەر کەسێک لەسەر گەندەڵى بگرم دەیکەمە 100 پارچەوە

2021.06.29 - 10:00
App store icon Play store icon Play store icon
وەزیرى سامانە سروشتییەکان: بەقورئان هەر کەسێک لەسەر گەندەڵى بگرم دەیکەمە 100 پارچەوە

ناس کورد-

 

کەمال ئەتروشى وەزیرى سامانە سروشتییەکانى هەرێم سوێندى خوارد کە هەر کەسێک لەسەر گەندەڵى بگرێت لە وەزارەتەکەى ئەگەر بیانیش بێت دەیکاتە 100 پارچەوە.

 

کەناڵی ناس کورد لە تێلیگرام جۆین بکە   

 

ئەو وتانەى کەمال ئەتروشى بەرەبەیانى ئەمڕۆ سێشەممە لەکۆبوونەوەى پەرلەمانى کوردستاندا بوو، بۆ تاوتوێکردنى دۆخى نەوت و دارایی کە نزیکەى 18 کاتژمێرى خایاند.

 

ئەتروشى وتى "گرێبەستە دەرەکییەکانى نەوتم کۆنتڕۆڵکردووە، کۆمپانیاکان ناتوانن یەک ملیمەتر بجولێن و یەک فلس بدزن، بۆیە زۆر دڵیان ناخۆشە".

 

وتیشى "گرێبەستى دووەم ئەوانەى ناوخۆییە بۆ ئەوە هەموو گرێبەستە سکویریتییەکانم هەڵوەشاندنەوە، ئێستا دۆخەکە لەدەست پۆلیسدایە، ئەوەى ماوە تەنها پاسەوانى بەڕێوەبەرى کۆمپانیا بیانییەکانە کە لەلاى کۆمپانیاکانە".

 

"تەوقێکى ئاگر و ئاسنم داناوە بەحەیاتى لەمێژووى وەزارەت بوونى نەبووە و لەهیچ وەزارەتێکیش نییە،  بەس خوا من و بەڕێوەبەرێکى گشتى دەەزانێت کێ تەندەر پێشکەش دەکات".

 

ئەتروشى باسى لەوەشکرد، گەندەڵى سفرە، "ئەوەى گەندەڵى دەکات نە شەرەفى هەیە نەناموس نەئەخلاق، بەخوا و بەقورئان هەر فەرمانبەرێکى وەزارەت بگرم بیانى بێت یان چاوشین بێت دەیکەمە 100 پارچەوە".

 

لەبارەى تۆمەتبارکردنى بە خواردنى نیوەى داهاتى نەوت، ئەتروشى وتى "بودجەى من 16 ملیۆن دینارى عێراقییە، ئەگەر بوایوایە بە دوو مانگ دەبوومە ملیاردێر خواحافیزیتان لێدەکەم".



لەکانى قسەکانى وەزیرى سامانە سروشتییەکان لەبارەى نەهێشتنى گەندەڵییەوە، بەشێک لە پەرلەمانتاران چەپڵەیان بۆ لێدا.