گه‌ڕان

Shadow Shadow
سیاسه‌تی

وەزیرى سامانە سروشتییەکان: پێویستم بە وەزیری نەبوو، داهاتەکەم 200 ئەوەندەى موچەکەم بوو

2021.06.29 - 08:59
App store icon Play store icon Play store icon
وەزیرى سامانە سروشتییەکان: پێویستم بە وەزیری نەبوو، داهاتەکەم 200 ئەوەندەى موچەکەم بوو

ناس کورد-

 

کەمال ئەتروشی وەزیرى سامانە سروشتییەکانى حکومەتى هەرێم رایگەیاند، پێش ئەوەى ببێتە وەزیر داهاتەکەى 200 ئەوەندەى موچەکەى بووە، بەڵام بۆ چاکسازیی بڕیاریداوە ببێتە وەزیر.

 

کەناڵی ناس کورد لە تێلیگرام جۆین بکە   

 

ئەتروشی بەرەبەیانى ئەمڕۆ سێشەممە لەکۆبوونەوەى پەرلەمانى کوردستاندا وتى "من بەشداربووم لە کابینەى نۆ چونکە قەناعەتێکم هەبوو بەبەرنامەى سەرۆک وەزیران بۆ چاکسازیی و شەفافیەت و عەدالەت".

 

وتیشى "قەت پێویستم بەو کارە نەبووە، داهاتم 200 ئەوەندە زیاتر بوو لەو موچەیەى ئێستا وەریدەگرم، پێگەشم زۆر گەورە بووە".

 

لە بەرواری 6ی کانوونی دووەمی ئەمساڵ کەمال ئەتروشی لە پەرلەمانی کوردستان بە دەنگی 81 پەرلەمانتار بووە وەزیری سامانە سروشتییەکان و سوێندی خوارد کە پارێزگاری لە یەکێتی گەل و خاکی هەرێمی کوردستان بکات و ڕێز لە یاسا ڕەچاوکراوەکان بگرێت.