گه‌ڕان

Shadow Shadow
سیاسه‌تی

قەرزەکانى سەر حکومەتى هەرێم 31 ملیار دۆلارى تێپەڕاند

2021.06.28 - 23:01
App store icon Play store icon Play store icon
قەرزەکانى سەر حکومەتى هەرێم 31 ملیار دۆلارى تێپەڕاند

ناس کورد-

سکرتێرى ئەنجومەنى وەزیرانى هەرێم ڕایگەیاند، قەرزەکانى سەر حکومەتى هەرێم 31 ملیار دۆلارى تیپەڕاندووە، بەهۆى گۆڕانکاریی نرخى دۆلار و پاشەکەوتى موچە و قەرزى بانکى بازرگانى عێراقەوە.

کەناڵی ناس کورد لە تێلیگرام جۆین بکە   

 

ئامانج ڕەحیم لە کۆبوونەوەى ئەمڕۆ دووشەممەى (28ی حوزەیرانی 2021) پەرلەمانى کورستاندا وتى، "هەرێم هیچ جۆرە قەرزێکى نەکردووە بەپێی ڕێککەوتنى فەرمى لەگەڵ هیچ دامەزراوە و بانکێکى نێودەوڵەتى، بەڵکو ئەوەیکراوە زیاتر دەچێتە چوارچێوەى پابەندى داراییەوە".

 

وتیشى، "هەرێم پەناى بردووە بۆ پارەى پێشکەشى لە کۆمپانیا نەوتییەکان، بەشێکى تریشى پارەى پاشەکەوتکراوى موچەى فەرمانبەرانە".

 

ئامانج ڕەحیم باسى لەوەشکرد، تا 31ى ئازارى 2021، قەرزەکان زیادبووە بۆ 31 ملیار دۆلار و 637 ملیۆن دۆلار کە دەکاتە 37 ترلیۆن و 394 ملیار دینار.

 

ڕوونیشیکردەوە، بەشى گەورەى قەرزەکە موچەى پاشەکەوتکراوە کە 12 ملیار دۆلارە، بەشێکى دیکەى قەرزەکان تایبەتە بە بانکى بازرگانى عێراق کە نزیکەى چوار ملیار دۆلارە.