گه‌ڕان

Shadow Shadow
سیاسه‌تی

وردەکاریى

دیمەشق سەرکۆنەى بڕینى ئاوى حەسەکە لەلایەن تورکیاوە دەکات 

2021.06.27 - 21:54
App store icon Play store icon Play store icon
دیمەشق سەرکۆنەى بڕینى ئاوى حەسەکە لەلایەن تورکیاوە دەکات 

ناس کورد-

ڕژێمى سوریا سەرکۆنەى بڕینى ئاو لە وێستگەى عەلوک دەکات و جەخت لەوە دەکاتەوە، ئەو کارانە لە ئاستى تاوانى دژى مرۆڤایەتى و تاوانى جەنگدایە.

 

کەناڵی ناس کورد لە تێلیگرام جۆین بکە   

 

ئاژانسى فەرمى ساناى سوریا (27ى حوزەیرانى 2021) لە زارى وەزارەتى دەرەوەى ئەو وڵاتەوە بڵاوی کردەوە، ڕژێمى ڕەجەب تەیب ئەردۆغان سیاسەتى نائەخلاقى لەشەڕى ئاودا پەیڕەو دەکات، ئەوەش بەبڕینى ئاوى وێستگەى عەلوک بۆ جارى 15یەم لەسەر یەک، کە سەرچاوەى سەرەکى ئاوى خواردنەوەى زیاتر لە یەک ملیۆن هاوڵاتى سورییە لە پارێزگاى حەسەکە.

 

ئەوەش هاتووە، گوێنەدانى تورکیا بە بانگەوازەکانى کۆمەڵگەى نێودەوڵەتى و مەینەتییەکانى دانیشتوانى پاریزگاکە کە تینوو کراون لەم کاتەشدا کە پلەکانى گەرما بەرزبوونەتەوە، هەڵسوکەوتێکى تاوانکارییە کە دەچێتە ئاستى تاوانى دژى مرۆڤایەتى و تاوانى جەنگ، چونکە سەرجەم بەڵگەنامە نێودەوڵەتییەکانى پێشێل کردووە.

 

حکومەتى سوریا داواشى کردووە، ئەنجومەنى ئاسایش و ئەمیندارێتى گشتى نەتەوە یەکگرتووەکان و ئاژانسە تایبەتمەندەکان دەستوەردانى خێرا بکەن بۆ پابەندکردنى تورکیا بە ڕێزگرتنى سادەترین یاسا و بنەما نێودەوڵەتییەکان لەو بارەیەوە و دووبارە ئاوى وێستگەى عەلوک بەربداتەوە بەو ڕێژەیەى پێشتر ڕێککەوتنى لەسەر کراوە، کە 500 مەتر چوارگۆشەیە لە چرکەیەکدا.