گه‌ڕان

Shadow Shadow
سیاسه‌تی

بەپەلە

پەیامێک لە مەسرور بارزانی: پێویستە وەڵامی ئەم کارە تێکدەرانەیە بدرێتەوە

2021.06.26 - 23:34
App store icon Play store icon Play store icon
پەیامێک لە مەسرور بارزانی: پێویستە وەڵامی ئەم کارە تێکدەرانەیە بدرێتەوە

ناس کورد-

مەسرور بارزانی، سەرۆکی حکومەتی هەرێم لە پەیامێکدا بەبۆنەی هێرشەکەی سەر هەولێر ڕایگەیاند، سەرکۆنەکردن بەس نییە و و پێویستە وەڵامی ئەم کارە تێکدەرانەیە بدرێتەوە، دەشڵێت، بەردەوامبوونی ئەم هێرشە تیرۆریستییانەیە شكۆ و  توانای دەسەڵاتی حکومەتی فیدرالی دەخاتە ژێر پرسیارەوە.

کەناڵی ناس کورد لە تێلیگرام جۆین بکە   

 

سەرۆکی حکومەتی هەرێم لە پەیامێکدا لە تۆڕی کۆمەڵایەتی تویتەر (شەممە 26ی حوزەیرانی 2021) ڕایگەیاند، "سوپاسی هەموو ئەو لایەنانە دەکەم کە سەرکۆنەی هێرشە ترسنۆکەکەی سەر هەولێریان کرد، بەڵام سەرکۆنەکردن بەس نیە و پێویستە وەڵامی ئەم کارە تێکدەرانەیە بدرێتەوە."

 

ئاماژەی بەوەشکردووە، "بەردەوامبوونی ئەم هێرشە تیرۆریستییانەیە، کە لە لایەن گرووپە لە یاسادەرچووەکان ئەنجام دەدرێن، شكۆ و  توانای دەسەڵاتی حکومەتی فیدرالی دەخاتە ژێر پرسیارەوە و سەقامگیریی عێراقیش تێکدەدات."

 

دژە تیرۆری کوردستان لە ڕاگەیەنراوێکدا (26ی حوزەیرانی 2021) ڕایگەیاند، بەرەبەیانی ئەمڕۆ کاتژمێر 1:50، سێ فڕۆکەی بێفڕۆکەوان لە رێگەی خۆپێداکێشان خۆیان بە خانووی هاونیشتمانییەک لە باخچەکانی سەر ڕێی سێولە لە گوندی براغ نزیك کۆمەڵگەی مەلا ئۆمەر لە پارێزگای هەولێر دەدەن، کە دوو لەو درۆنانە دەتەقنەوە و یەکێکیان ناتەقێتەوە، خۆشبەختانە وێرای زیانی ماڵی هیچ زیانێکی گیانی لێ ناکەوێتەوە."  

  

ئاماژەی بەوەشکرد، "درۆنێکیش لە چۆڵەوانییەکی چیای تارین دەکەوێتە خوارەوە."  

  

جەختی کردووەتەوە کە دروشمی "السلام علیک یا جمال العراق، بسم لله قاسم الجبارین، یا صاحب الزمان، یا زهراء" لەسەر باڵی درۆنەکان نووسراوە.  

  


دژە تیرۆر دەشڵێت کە "لێکۆڵینەوەکان لەو بارەوە بەردەوامە و دەرئەنجامەکانی بۆ هەموو لایەک ئاشکرا دەکەین."