گه‌ڕان

Shadow Shadow
سیاسه‌تی

زانیاریی زیاتر

سەرۆکایەتی پەرلەمان سنور بۆ بەدواداچوونی پەرلەمانتاران دادەنێت

2021.06.24 - 17:15
App store icon Play store icon Play store icon
سەرۆکایەتی پەرلەمان سنور بۆ بەدواداچوونی پەرلەمانتاران دادەنێت

ناس کورد-

سەرۆکایەتی پەرلەمانی کوردستان سەردانیکردنی پڕۆژە نیشتەجێبوونەکان و پڕۆژەکانی وەبەرهێنان بەدواداچوون کردن بۆیان لە پەرلەمانتاران قەدەغە دەکات و تەنها لەڕێگەی لیژنەکانەوە یاخود ڕەزامەندی سەرۆکایەتی پەرلەمانەوە دەتوانن بەدواداچوون بکەن.

کەناڵی ناس کورد لە تێلیگرام جۆین بکە   

 

لە نوسراوەکەدا کە رێواز فایەق، سەرۆکی پەرلەمانی کوردستان (22ی حوزەیرانی 2021) ئاڕاستەی سەرۆکایەتی دیوانی ئەنجومەنی وەزیرانی کردووە، تیایدا داوای کردووە، "بەمەبەستی کاری بەدواداچوونی لیژنە هەمیشەییەکانی پەرلەمانی کوردستان پێتان ڕادەگەیەنین کە هیچ پەرلەمانتارێک لەڕێگەی کەسییەوە ناتوانێت سەردانی پڕۆژەکانی نیشتەجێبوون و پڕۆژە خزمەتگوزارییە گشتییەکانی بواری بەڵێندەرایەتی و وەبەرهێنان بکات."

 

ئاماژەی بەوەشکردووە، "دەبێت بە بڕیاری لیژنەکان ئەو بەدواداچوونە بکات یان بە نوسراوی فەرمی سەرۆکایەتی پەرلەمانی کوردستان."

 

لەوبارەیەوە، فراکسیۆنى پارتى لە پەرلەمانى کوردستان داوا لە سەرۆکى پەرلەمان دەکات لەبارەى بەکارهێنانى پلە و پێگەى پەرلەمانتارى بۆ بەرژەوەندى کەسى لیژنەیەکى لێکۆڵینەوە پێکبهێنێت.  

  

پێشەوا هەورامانى، وتەبێژى فراکسیۆنەکە (24ى حوزەیرانى 2021) لە راگەیەندراوێکدا ئاماژە بەوە دەکات "نوسراوێك بە واژۆی بەڕێز سەرۆکی پەرلەمان ئاراستەی ئەنجوومەنی وەزیران کراوه‌ لەبارەی ئەوەی پەرلەمانتاران بۆیان نییە سەردانی پڕۆژەکانی وەبەرهێنان بکەن بەتەنها بەمەبەستی بەدواداچوون و ئه‌وه‌ی له‌ تۆڕه ‌كۆمه‌ڵایه‌تییه‌كان لێكدانه‌وه‌ی بۆ ده‌كرێت گوایه‌ له‌سه‌ر هه‌ڵه‌ی چه‌ند په‌رله‌مانتارێكه ‌و پێگه‌ی خۆیان بۆ به‌رژه‌وه‌ندی كه‌سی به‌كارهێنابێت" .  

  

وتەبێژى فراکسیۆنى پارتى رونیدەکاتەوە، لەگەڵ ئەوەى هیچ ئەندامێکى فراکسیۆنەکەیان لەو لیژنەیەدا بەپیشەییانە کاریان کردووە  داوا لە سه‌رۆكی په‌رله‌مان دەکەن هه‌ر ئه‌مڕۆ لیژنه‌یه‌كی لێكۆڵینه‌وه‌ پێكبهێنێت و ئەم بابەتە دوا نەخات و هەرکەسێک پلە و پێگەی خۆی بۆ بەرژەوەندی کەسی بەکارهێناوە ناوی بهێنرێت و کە ئەنجام دەستکەوت ڕێوشوێنی یاسایی لەبەرانبەرییان بگیرێتە بەرو هەستی کەس بە ناحەق بریندار نەکرێت.