گه‌ڕان

Shadow Shadow
سیاسه‌تی

زانیاریی زیاتر

هەرێم؛ خێزانە کەمدەرامەتەکان بەشەخۆراکی زیادەیان پێدەدرێت

2021.06.24 - 16:54
App store icon Play store icon Play store icon
هەرێم؛ خێزانە کەمدەرامەتەکان بەشەخۆراکی زیادەیان پێدەدرێت

ناس کورد-

بەڕێوەبەری گشتیی چاودێری و گەشەپێدانی کۆمەڵایەتی هەولێر ڕایگەیاند، بڕیار درا خێزانە هەژار و کەمدەرامەتەکانی سنووری پارێزگای هەولێر تۆمار بکرێن بۆ ئەوەی لە ڕێگەی وەزارەتی بازرگانی بەشەخۆراکی زیاتریان بۆ دابین بکرێت.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا یوسف چاوشین، بەڕێوەبەری گشتیی چاودێری و گەشەپێدانی کۆمەڵایەتی هەولێر ڕایگەیاند، "بۆ ئامادەکردنی لیستێکی نوێی خێزانە هەژار و کەمدەرامەتەکان ڕووپێوێکی نوێ دەست پێ دەکەین و لە رێگەی وەزارەتی کار و کاروباری کۆمەڵایەتیەوە لیستەکە ئاراستەی وەزارەتی بازرگانی دەکەین تاوەکو  بەشە خۆراکی زیاتر بۆ خێزانە هەژار و کەمدەرامەتەکان دابین بکرێت."

 

ئاماژەی بەوەشکردووە، " ئێستا لە ناوچەکانی دیکەی عێراق، ساڵانە دوو بەشەخۆراکی زیاتر بە بەشێک لە خێزانە هەژار و کەمدەرامەتەکان دەدرێت، وەزارەتی بازرگانی و پیشەسازیی هەرێمی کوردستان داوای لە وەزارەتی بازرگانی عیراق کردووە ئەو هەنگاوە هەژار و کەمدەرامەتەکانی هەرێمی کوردستانیش بگرێتەوە، ئەوانیش داوای لیستیان کردووە و لەسەر ئەو بنەمایەش  وەزارەتی کار و کاروباری کۆمەڵایەتی لیستی ناوەکان بۆیان ئامادە دەکات."

 

باسی لەوەش کردووە، "بە هەماهەنگی لەگەڵ پارێزگا و قایمقامیەت و بەڕێوەبەری ناحیەکان ناوەکان دەنووسین و لە ماوەی 20 رۆژدا تەواویان دەکەین. "

 

لەبارەی ئەو مەرج و پێوەرانەی بۆ تۆمارکردن دانراون ئاشکرایکردووە، "خێزانەکان لە سەر بنەمای هێلی هەژاری وەردەگیردرێن واتە هەر خێزانێک داهاتی کەم بێت بەشێوەیەک بۆ هەر ئەندامێکی خێزان کەمتر لە ۱۰۰ هەزار دینار بێت بە هەژار لە قەڵەم دەدرێت و ناوی خێزانەکە تۆمار دەکرێت، بۆ نموونە ئەگەر خێزانێک لە دوو کەس پێکبێت و داهاتی لە ۲۰۰ هەزار کەمتر بێت ئەوا بە هەژار ئەژمار دەکرێت، ئەگەر خێزانێک ۳ کەس بێ و داهاتی لە ۳۰۰ هەزار کەمتر بێت ئەوا بە هەژار دادەنرێت و بە هەمان شێوە ئەگەر خێزانێک ٤ کەس بێت دەبێت داهاتەکەی کەمتر بێت لە ٤۰۰ هەزار دینار و بەم شێوەیە تادوایی."

 

ڕاشیگەیاندووە، " ئەو هەڵمەتە لەسەرجەم پارێزگاکانی هەرێمی کوردستان بەڕێوە دەچێت، هەروەها لە تۆمارکردنی ناوەکاندا رەچاوی باری کرێچی و ئەو کەسانەی خاوەن پێداویستی تایبەتن دەکرێت."