گه‌ڕان

Shadow Shadow
سیاسه‌تی

وردەکاریى

ژنە سیخوڕە دەستگیرکراوەکەى هەولێر بە 23 ساڵ زیندانیکردن سزادرا 

2021.06.24 - 10:34
App store icon Play store icon Play store icon
ژنە سیخوڕە دەستگیرکراوەکەى هەولێر بە 23 ساڵ زیندانیکردن سزادرا 

ناس کورد- 

ئەو ژنەى کە وەکو وەرگێڕى سەربازى لەگەڵ ئەمەریکیەکان لەعێراق و هەرێمى کوردستان کارى دەکرد و دزەى بە زانیارییە نهێنینەکان کردبوو لەلایەن دادگایەکى ئەمەریکاوە بە 23 ساڵ زیندانیکردن سزادرا. 

 

کەناڵی ناس کورد لە تێلیگرام جۆین بکە   

 

میدیاکانى ئەمەریکا (24ى حوزەیرانى 2021) بڵاویان کردەوە، دواى ئەوەى وەرگێڕە سەربازییەکەى ئەمەریکا کەبەڕەگەز لوبنانیە و ناوى مەریەم تۆمسۆنە لەکۆتایى مانگى ئادارى ئەم ساڵ دەستگیر دەکرێت لەبنکەیەکى سەربازى ئەمەریکا لەهەولێر دان بەوەدا دەنێت کە زانیارییە نهێنیەکانى داوەتە هاوڵاتیەکى لوبنانى کە گومان دەکرێت پەیوەندى بەحزبوڵاى ئەو وڵاتەوە بوبێت.

 

ئاماژە بۆ ئەوەش کراوە، دادگای ویلایەتی مینیسۆتای ئەمەریکا سزاى 23 ساڵ زیندانیکردنى بەسەر مەریەمدا سەپاند و پێشتریش لەمیانەى لێکۆڵێنەوەکانیشدا لەگەڵیدا، مەریەمى تەمەن 63 ساڵ دانی بەوەدا ناوە ئەو کارەى بۆ ڕەزامەندى ئەندامێکى حزبوڵاى لوبنانى کردووە کە لەڕێگەى ئینتەرنێتەوە ناسیویەتى و عاشیقى بووە و لەبەرامبەریشدا بەڵێنى هاوسەرگیریداوە لەگەڵیدا هەرچەندە یەکتریشیان نەبینیوە.

 

مەریم تەها لەساڵى 2006 ەوە تاوەکو 2020 لەگەڵ سوپاى ئەمەریکادا وەکو وەرگێڕێک کارى کردووە و دادوەریش بەوە تۆمەتبارى کردووە لەمانگى کانوونى یەکەمى ساڵى 2019 ەوە دزەى بەزانیارییەکان کردووە لەسەر ناو و شارەزایانى سوپاى ئەمەریکا لەعێراق.

 

مەریم بەپێى سروشتى کارەکەى مافى لێدوانى هەبووە لەسەر پرسە ئەمنیەکان و هەروەها توانیوویەتى دەستى ڕابگاتە زانیارییە نهێنینەکان لەڕێگەى کۆمپیوتەرەوە ئەوەش وەکو بەشێک لەکارەکەى کە وەرگێڕى بووە و ئەو دەرفەتەشى قۆستووەتەوە بەشێک لەزانیارییە سەربازییەکانى ئەمەریکاى لەعێراق گەیاندووە بە ئەویندارەکەى.