گه‌ڕان

Shadow Shadow
سیاسه‌تی

وردەکاریى

سۆشیال میدیا: مێشێكی كوتراو بە ڤیاگرا دزەی كرد لە تاقیگەیەكی ووهان

2021.06.23 - 19:22
App store icon Play store icon Play store icon
سۆشیال میدیا: مێشێكی كوتراو بە ڤیاگرا دزەی كرد لە تاقیگەیەكی ووهان

ناس کورد-

دوای ئەوەی بەکارهێنەرانی تۆڕە کۆمەڵایەتییەکان دەستاودەستی هەواڵێکان کرد کە گوایە بەهەزاران میشولەی کوتراو بەدەرمانی ڤیاگرا لەتاقیگەی وهان لەوڵاتی چین دزەیان کردووە، ئاژانسی فرانس پرێس، هەواڵەکەى بەدرۆ خستەوە و  ئاشکرای کرد "ئەو هەواڵە لەلایەن ماڵپەرێکی تایبەت بە بابەتە گاڵتە جاڕییەکانەوە دروست کراوە، هیچ پەیوەندییەکی بەڕاستییەوە نییە".

 

کەناڵی ناس کورد لە تێلیگرام جۆین بکە   

 

ئاژانسی"فرانس پرێس"ی فەرەنسی (23ی حوزەیرانی 2021) بڵاوی کردەوە "دوای بەدواداچوون بۆ هەواڵێک لەلایەن پسپۆڕانی ئاژانسەکەوە لەبواری ڕاست و دروستی هەواڵەکان دەرکەوتووە ئەو هەواڵەی کە لەلایەن بەشێک لە بەکارهێنەرانی تۆڕە کۆمەڵایەتییەکانەوە دەستا ودەست کراوە کە گوایە مێشولەی کوتراو بە دەرمانی ڤیاگرا لە تاقیگەی وهانی شاری چین دزەی کردووە، دوورە لە ڕاستییەوە".

 

ئاماژەی بەوە کردووە "دوای گەڕان و بەدواداچوون، دەرکەوتووە هەواڵەکە لەماڵپەرێکی تایبەت بە هەواڵە گاڵتەجارییەکان بەناوی "ۆورڵد نیوزدەیلی ڕایپۆرت"ەوە بڵاوکراوەتەوە کەهەواڵێکی دروست کراوە و هیچ پەیوەندییەکی بەڕاستییەوە نییە".

 

بڵاوبوونەوەی هەواڵی دزەکردنی هەزاران مێشولەی کوتراو بەدەرمانی ڤیاگرا لە تاقیگەی وهانی شاری چین، بەشێکی زۆر لە تۆڕە کۆمەڵایەتییەکانی جیهان تەنی و هەواڵەکە بەشێوەیەکی بێ پێشینە لەنێو بەکارهێنەرانی تۆڕە کۆمەڵایەتییەکاندا دەستاو دەست کرا و باسی لەوە کرد بوو کە گوایە  دوای دوو ڕۆژ لەگەزینی مرۆڤ بەو میشولانە، کاریگەری دەرمانەکە دروست دەبێت و ئارەزووە سێکسییەکان زیاتر دەبن".