گه‌ڕان

Shadow Shadow
سیاسه‌تی

وەزارەتی پێشمەرگە ڕوونکردنەوە لەسەر خنکاندنی جوانڕۆ کەریم دەدات

2021.06.22 - 19:09
App store icon Play store icon Play store icon
وەزارەتی پێشمەرگە ڕوونکردنەوە لەسەر خنکاندنی جوانڕۆ کەریم دەدات

ناس کورد-

وەزارەتی پێشمەرگە ڕایگەیاند، بەدواداچوون دەکەن لەبارەى ڕووداوی گیانلەدەستدانی جوانڕۆ کەریم قادر کە کارمەندی وەزارەتەکەیە و تەرمەکەى ئەمڕۆ بە خنکێنراوی لەنێوان کەسنەزان و دێگەڵەدا دۆزرایەوە.

کەناڵی ناس کورد لە تێلیگرام جۆین بکە   

 

وەزارەتی پێشمەرگە لە ڕوونکردنەوەیەکدا کە کۆپییەکی دەستی "ناس کورد" کەوتووە (22ی حوزەیرانی 2021) دەڵێت، "ئەمڕۆ هەواڵی گیانلەدەستدانی (ن.ض.د٨ جوانڕۆ کەریم قادر) کارمەندی وەزارەتمان پێگەیشت، دوای بەدواداچوونی بەرپرسی یەکه سەربازیەکەی لەگەڵ هێزەکانی پۆلیس و ئاسایش، تەرمی ناوبراو بەدەستبەستراوی لە نزیک گوندی (پەلکەڕەش) کە دەکەوێتە نیوان کەسنەزان و دێگەڵە دۆزراوەتەوە."

 


دەشڵێت، "ناوبراو ئەندامی تیپی جوق و مۆسیقای سەربازی بوو، سەر بە فەرماندەیی ئینزیباتی سەربازی وەزارەتی پێشمەرگە."


جەخت دەکاتەوە کە "وەزارەتی پێشمەرگە بەدواداچوون و رێوشوێنی پێویستی لەسەر ئەم تاوانە گرتۆتەبەر و لەئێستادا لەلایەن پۆلیسەوە دۆسیەی لێکۆڵینەوەی بۆ کراوەتەوەو چاوەڕێی دەرئەنجامی لێکۆڵینەوەکانین."

 

ئەمڕۆ پۆلیسى هەولێر رایگەیاند، جوانڕۆى باڵەبان هونەرمەندى میللى لە هەولێر خنکێنراوە و بەرەبەیانى ئەمڕۆ تەرمەکەى دۆزراوەتەوە.

 

هۆگر عەزیز وتەبێژى پۆلیسى هەولێر ئەمڕۆ سێشەممە بە "ناس کورد" ى راگەیاند، کاتژمێر پێنجى بەرەبەیانى ئەمڕۆ تەرمى ئەو هونەرمەندە لەگوندى پەلکەڕەش سەر بە ناحیەى دێگەڵە دۆزراوەتەوە.

 

وتیشى "ئەو هونەرمەندە خنکێنراوە".

 

هونەرمەند جوانڕۆی باڵەبان ئەندامی لقی سلێمانی سەندیکای ھونەرمەندانی کوردستان و کۆمەڵەی ھونەری میللی کوردستان و تیپی جوقی سەربازی وەزارەتی پێشمەرگە بوو.

 

پێشتر جەزاى ساز سەرۆکى کۆمەڵەى هونەرمەندانى میللى بە "ناس کورد" ى راگەیاند، تەرمى ئەو هونەرمەندە دواى کوژرانى لە دێگەڵە فڕێدراوە.

 

لاى خۆیەوە، خالید دوکانى کەسى نزیکى ئەو هونەرمەندە بۆ "ناس کورد" ئاماژەى بەوەکرد، جوانڕۆیی شەوى رابردوو چووە بۆ لەفە خواردن و لەهەولێر کوژراوە، لە ئێستادا بەڕێوەن بۆ وەرگرتنەوەى تەرمەکەى.