گه‌ڕان

Shadow Shadow
سیاسه‌تی

نرخی بەنزین

ئەنجومەنی پارێزگای سلێمانی هۆکارەکانی بەرزبوونەوەى نرخی بەنزین ئاشکرا دەکات

2021.06.22 - 18:07
App store icon Play store icon Play store icon
ئەنجومەنی پارێزگای سلێمانی هۆکارەکانی بەرزبوونەوەى نرخی بەنزین ئاشکرا دەکات

ناس کورد-

سەرۆكی ئەنجومەنی پارێزگای سلێمانی باس لە چەند هۆکارێکی ناوخۆیی و دەرەکی بەرزبوونەوەى نرخى بەنزین دەکات و دەڵێت، حکومەتیش پاڵپشتى سووتەمەنى نییە بۆ ناوخۆ.

کەناڵی ناس کورد لە تێلیگرام جۆین بکە   

 

ئازاد محەمەد، سەرۆكی ئەنجومەنی پارێزگای سلێمانی (22ى حوزەیرانى 2021) بە ڕۆژنامەنوسانى ڕایگەیاند، هۆکارەکانى گرانبوونى بەنزین زۆرن، بەشێکیان دەرەکین و بەشێکیان ناوەکین، بەشێکى پەیوەندى بە کۆمارى ئیسلامى ئێرانەوە هەیە و بەشێکى بە بۆرسەى جیهانى و بەشێکیشى پەیوەندى بە حکومەتى هەرێمى کوردستانەوە هەیە.

 

ڕوونیشیکردەوە، ئەوەى بە پەیوەندى بە حکومەتەوە هەیە بەشە گرنگەکەى ئەوەیە، باج و ڕسومات لەسەر هاوردەکردنى سوتەمەنى لە دەروازە سنورییەکانەوە دانراوە، هەروەها حکومەت پاڵپشتى سوتەمەنى نییە بۆ ناوخۆ لە ڕێگەى پاڵاوتگەکانەوە و نەوت نادات بە پاڵاوتگەکان.

 

سەرۆکى ئەنجومەنى پارێزگاى سلێمانى وتیشى، هەروەها بەشێکى پەیوەندى بە ئێرانەوە هەیە و تائێستا زیاتر لە 280 دۆلار چووەتە سەر یەک تۆن بەنزین کە لەو وڵاتەوە دەهێنرێت، هەروەها لە ڕابردوودا کڕیارەکان کەمبوون و زۆرینەى کڕیارەکان هەرێمى کوردستان و بەتایبەتى پارێزگاى سلێمانى بوون.

 

ئازاد محەمەد لە بەشێکى ترى قسەکانیدا جەختی لەوەکردووەتەوە، سەرەڕاى ئەوەش گواستنەوەى بەنزین تێچوویەکى زیاترى هەیە و هەموو ئەمانەش کاریگەرییان هەیە لەسەر گرانبوونى نرخى بەنزین.